Azərbaycan "Qazprom"dan xahiş edib ki, qaz tədarükünü bərpa etsin. Qaz tədürük bu il başlaya və bir neçə milyard kubmetr təşkil edə bilər, deyə "Qazprom" rəhbəri Aleksey Miller 26 iyunda mətbuat konfransında bildirib.
"Azərbaycan iqtisadiyyatı inkişaf edir, daxili tələbat artır. Orta-uzun müddətli saziş əsasında bir neçə mlrd kubmetr qaz tədarükündən söhbət gedir, ilin sonuna kimi tədarük başlaya bilər”, deyə o əlavə edib.
Miller deyib ki, ilin sonuna kimi Azərbaycan qazının Rusiyaya tədarükü barədə saziş qüvvədədir. Amma qaz tədarük edilmir. "Ötən ilin sonundan qaz tədarük edilmir", — deyə o bildirib.
Turan RİA Novosti-yə istinadən bidlirir ki, "Qazprom"la SOCAR Azərbaycan qazının alqı-satıq müqaviləsinin 2009-cu ildə imzalayıb. 2010-cu ildə tədarük başlayıb. 2012-ci ildə sazişə əlavələr edilib.
2013-cü ildə Rusiyaya 1,37 mlrd, 2014-cü ildə 0,21 mlrd kubmetr Azərbaycan qazı ixrac edilib. 2015-ci ildə qaz tədarük edilməyib.
* Azərbaycan ilk dəfə 2000-ci ilin oktyabrında Rusiyadan qaz alıb. İdxal 2006-cı ilin sonuna kimi davam edib. O vaxt “Şahdəniz” yatağı işlənməyə başlayıb. Azərbaycanın birdən-birə niyə Rusiyadan qaz almağı bərpa etməsi müəmmalıdır. Çünki bu günlərdə SOCAR rəhbəri R. Abdullayev bəyan etmişdi ki, Azərbaycanın qazla təchizat problemi yoxdur. SOCAR mətbuat xidməti isə Rusiyadan qaz idxalı ideyasını təkzib edib. Amma SOCAR mətbuat xidməti və SOCAR rəhbəri AzMeCo şirkətinin qaz almasını istisna etməyib. Maraqlıdır ki, statistikaya əsasən, ölkədə hər il əmtəəlik qaz həcmi artır. 2015-ci ilin 5 ayında bu artım 11,5% (8 mlrd 476,6 mln kubmetr) olub. –12В--
İqtisadiyyat
-
Neft gəlirlərindən çox asılı olan Azərbaycan iqtisadiyyatı 2021-ci il üçün “Carbon Tracker” hesabatında “Neft dövlətlərindən kənarda: Enerji keçidi kontekstində neftdən asılılığın azaldılmasına təcili ehtiyac” adlı sərt xəbərdarlıqla üzləşir. Hesabatda Azərbaycan neftdən asılı olan ən həssas ölkələrə və onu növbəti onillikdə neft və qaz gəlirlərinin 40%-dən çox azalması gözlənilən ölkələr üçün nəzərdə tutulan “Qrup 5”ə daxil edilir. Bu qrupa Anqola, Bəhreyn, Timor-Leste, Ekvatorial Qvineya, Oman və Cənubi Sudan daxildir və bu, həmin dövlətlər üçün ortaq iqtisadi riskləri göstərir.
-
Azərbaycanın qeyri-neft və qaz ixracı 2024-cü ilin ilk on ayında illik müqayisədə 3,5% artaraq 2,8 milyard dollar təşkil edib. Bu barədə İqtisadi İslahatların Təhlili və Kommunikasiya Mərkəzinin (İİTKM) noyabr ayı üzrə “İxrac İcmalı”nda bildirilib.
-
"Azərbaycan Dəmir Yolları" QSC (ADY), Nazirlər Kabinetinin noyabr ayında iş və istirahət günlərinin dəyişdirilməsi ilə bağlı qərarına uyğun olaraq, COP29 tədbiri zamanı sərnişinlərin təhlükəsiz və rahat səfərlərini təmin etmək məqsədilə şəhərətrafı və ölkədaxili qatarların cədvəlində dəyişikliklər edəcək.
-
Azərbaycanda hökumət daxili bazar qiymətlərini sabit saxlamaq üçün idxal olunan mallara vergi güzəştlərindən daha çox istifadə edir. Bu ilin sonunda uzadılmış buğda idxalı üzrə 18%-lik ƏDV-dən azad edilmə qərarı bu yanaşmanın bir nümunəsidir. Eyni zamanda, yeni tədbirlər çərçivəsində elektrik avtomobilləri üçün enerji doldurma qurğularının idxalına vergi güzəştləri tətbiq olunub, yüksək qiymətli dərman preparatlarının idxalı üzrə vergi azadolmaları isə müzakirə mərhələsindədir. Diqqətəlayiq haldır ki, müdafiə təyinatlı məhsulların idxalı vergi və gömrük rüsumlarından tam azaddır.
Rəy yaz