«Milli Depozit Mərkəzi» QSC ləğv edilir və «Qiymətli kağızlar bazarı haqqında» qanuna əsasən, qeyri-kommersiya təşkilatı kimi fəaliyyət göstərəcək. Təklifi Qiymətli Kağızlar üzrə Dövlət Komitəsi Əmlak Məsələləri Dövlət Komitəsinə təqdim edib, deyə MDM-in İdarə Heyəti məlumat verir.
Bu il iyulun 15-də qüvvəyə minən qanuna əsasən, klirinq və depozitar fəaliyyəti üçün lisenziya verilməsi dayandırılır. Depozitar funksiyası həyata keçirən bütün strukturlar saxladığı pul və qiymətli kağızları MDM-ə verir. Sentyabrın 15-dən qiymətli kağız sahiblərinin reyestrləri MDM-ə veriləcək. Mərkəzi Depozitarın üzvləri investisiya şirkətləri və investisiya fondlarının depozitarları olacaq.
Qiymətli kağızlar bazarının peşəkar iştirakçıları öz təşkilati strukturlarını yeni tələblərə uyğunlaşdırmalıdır.
Qiymətli kağızlar üzrə notarial əqdlərin qeydiyyatı avtomatlaşdırılacaq və informasiyalar elektron rejimdə MDM-ə veriləcək. 08B
İqtisadiyyat
-
Mərkəzi Bank (AMB) 13 noyabr tarixində İdarə Heyətinin qərarına əsasən "Yaşıl taksonomiya"nı təsdiqləyib.
-
Azərbaycan Dövlət Neft Şirkəti (SOCAR) Bolqarıstanın "Asarel Energy" şirkəti ilə birgə inkişaf haqqında saziş imzalayıb. Bu şirkət Asarel Medet holdinq qrupunun bir hissəsidir. Saziş 13 noyabrda COP29 sammiti çərçivəsində Azərbaycan Prezidenti İlham Əliyev və Bolqarıstan Prezidenti Rumen Radevin iştirakı ilə imzalanıb.
-
"Saudi Electricity" şirkətinin baş direktoru Xalid əl-Hamidi və Azərbaycanın dövlət enerji şirkəti "Azərenerji"nin sədri Baba Rzayev, Bakıdа keçirilən COP29 sammitində çərşənbə günü anlaşma memorandumu (MoU) imzaladılar. Saziş Azərbaycanın Energetika Naziri ilə Səudiyyə Ərəbistanı Energetika Naziri arasında "Mavi zona"da baş tutan yüksək səviyyəli görüşdən sonra imzalanıb və Azərbaycanın enerji sisteminə bərpa olunan enerji mənbələrinin inteqrasiyasını gücləndirməyə yönəlib.
-
Yunanıstan-Bolqarıstan İnterkonnektorunun (IGB) operatoru ICGB-nin baş direktoru Teodora Georgieva, COP29 sammitinin kulislərində jurnalistlərlə söhbətində, Rusiya qazının Ukrayna vasitəsilə tədarükünün dayandırılma ehtimalı fonunda Azərbaycanın və digər qaz tədarükçülərinin Avropa İttifaqı üçün kritik rolunu vurğuladı.
Rəy yaz