Milli Məclis bugünkü plenar iclasında 2015-ci ilin büdcəsinin icrasını təsdiq edib.
Qanun layihəsində büdcənin gəlirləri 17 mlrd 498 mln manat (proqmozun 90%-i və 2014-cü ildəkindən 4,9% az) təsdiq edilib. Xərclər hissəsi 17 mlrd 784,5 mln manat (84,3%), kəsir 286,5 mln manat və ya ÜDM-in 0,5%-i səviyyəsində olub.
Gəlirlərin 46,5%-i və ya 8 mlrd 130 mln manat ARDNF-dən transfertlərdir.
Vergilər Nazirliyi büdcəyə vəsaitlərin 40,7%-i və ya 7 mlrd 118,3 mln manat, Gömrük Komitəsi 9,1% və ya 1 mlrd 591,9 mln manat köçürüb.
Xərclər hissəsində cari xərclər 54,9% və ya 9 mlrd 763,1 mln manat, capital xərcləri 41,1% və ya 7 mlrd 316,9 mln manat, dövlət borcunun ödənilməsi 4% və ya 704,5 mln manat təşkil edib.
Sosial xərclər (5,67 mlrd) belə bölünüb: büdcəçilərin əmək haqqı ödənişi - 3 mlrd 324,3 mln manat, pensiya və müavinətlər - 1 mlrd 822,9 mln manat.
Maliyyə Nazirliyinin məlumatına görə, ötən il büdcə xəzinə hesabında qalıq 1 mlrd 433,9 mln manat olub. Bu vəsait dövlət büdcəsinin kəsiri və dövlət borcunun ödənilməsinə yönəldilə bilər. --17D
İqtisadiyyat
-
Azərbaycan Prezidenti İlham Əliyev cümə axşamı Bakıda kommunal xidmətlər üçün nəzərdə tutulmuş xüsusi təyinatlı nəqliyyat vasitələri ilə tanış olub. Bu addım şəhər infrastrukturunun modernləşdirilməsi və ətraf mühitin dayanıqlılığının artırılması istiqamətində görülən tədbirlər çərçivəsində atılıb.
-
Azərbaycan Milli Depozit Mərkəzi (MDM) 2024-2026-cı illər üzrə maliyyə bazarlarının inkişafı üçün etimadın artırılması, bazara çıxış imkanlarının genişləndirilməsi və investisiya alətlərinin çeşidinin artırılmasına yönəlmiş strateji hədəflər və rəqəmsal yenilikləri elan edib.
-
Bakının ictimai avtobuslarında istifadə olunan, mobil telefon tətbiqi və M10 proqramı ilə aktivləşdirilən QR-kod vasitəsilə həyata keçirilən ödəniş üsulu sərnişinlər üçün çətinliklər yaradır, iqtisadçı Samir Əliyev Facebookda bildirib.
-
Gələn ildən etibarən Azərbaycan hökuməti, yerli məhsulları xaricə ixrac edən, lakin qazandıqları gəlirin bir hissəsini ölkəyə qaytarmayan sahibkarlara münasibətdə yeni siyasət həyata keçirəcək. Bu məsələ xüsusilə Rusiyada satılan Azərbaycan pomidorlarına aiddir. Milli Bankın sədri Taleh Kazımovun sözlərinə görə, belə sahibkarların cəzalandırılması ilə bağlı qərarlar gəlirin geri qaytarılmamasının səbəbləri dərindən araşdırılmadan qəbul edilməyəcək.
Rəy yaz