![İtaliya-Azərbaycan Hökumətlərarası Komissiyanın iclasında TAP-la bağlı məsələ müzakirə ediləcək](https://turan.az/resized/750/500/resize/media/2016/main/053100157768.jpg)
- İqtisadiyyat
- 31 May 2016, 15:47
- 30
İtaliya-Azərbaycan Hökumətlərarası Komissiyanın iclasında TAP-la bağlı məsələ müzakirə ediləcək
Azərbaycan Respublikası Hökuməti ilə İtaliya Respublikası Hökuməti arasında iqtisadi əməkdaşlıq üzrə Birgə Hökumətlərarası Komissiyanın iyunun 13-də Romada keçiriləcək 4-cü iclasına hazırlıq məsələrinin müzakirəsi məqsədilə İtaliyanın ölkəmizdəki səfiri Ciampaolo Kutillo Energetika Nazirliyində olub.
Nazirliyin mətbuat xidmətindən Turan-a verilən məluamata görə, energetika naziri Natiq Əliyev və İtaliyanın xarici işlər və beynəlxalq əməkdaşlıq üzrə dövlət katibi Benedetto Della Vedovanın birgə sədrliyi ilə keçiriləcək iclasda Azərbaycan və İtaliya arasında iqtisadi əlaqələrin mövcud vəziyyəti təhlil edilərək, əməkdaşlığın genişləndirilməsi perspektivləri müzakirə ediləcək.
İclasda İtaliya Nazirlər Şurasının dövlət katibi Klaudio De Vinçentinin 2020-ci ildən Azərbaycan qazının İtaliya və Avropaya tədarükünü təmin edəcək “Trans-Adriatik” (TAP) qaz boru kəməri layihəsinin həyata keçirilməsi istiqamətində görülən işlərə həsr olunmuş çıxışı, iki ölkə arasında iqtisadi əməkdaşlıq üzrə Birgə HökumətlərarasıKomissiyanın Protokolunun imzalanması nəzərdə tutulub. Azərbaycanla İtaliya arasında üzünmüddətli dostluq münasibətlərini və ortaq maraqlar, qarşılıqlı fayda əsasında ticarət və investisiyalar daxil olmaqla ikitərəfli əlaqlərin gücləndirilməsini hədəfləyən Hökumətlərarası Komissiyanın 4-cü iclası çərçivəsində İtaliya-Azərbaycan Biznes Forumunun keçirilməsi də planlaşdırılır. Xatırladaq ki, Birgə Hökumətlərarası Komissiyanın 3-cü iclası 16 dekabr 2013-cü il tarixində Bakı şəhərində keçirilib.
Azərbaycanla İtaliya arasında iqtisadi-ticarət əlaqələri yüksələn xətlə inkişaf etməkdədir. İtaliya Statistika İnstitutunun (İSTAT) məlumatına görə, 2006-2015-ci illərdə İtaliya ilə Azərbaycan arasında ticarət dövriyyəsi 2,5 milyard avrodan 5 milyard avroya qədər artıb. 2015-ci ildə Azərbaycanın İtaliya ilə ticarət dövriyyəsinin həcmi 2.842,10 mln.ABŞ dolları olub. İki ölkə arasında iqtisadi tərəfdaşlıq ilk növbədə enerji sektoruna əsaslanır. 2015-ci ildə Azərbaycan İtaliyaya dünya üzrə xam neftin ilk, karbohidrogenlərin isə ikinci ən mühüm təchizatçısı olub.
İtaliya istifadə etdiyi 20 faiz nefti Azərbaycandan alır. Strateji cəhətdən əhəmiyyət kəsb edən və enerji resurslarının təchizatının diversifikasiyasına imkan yaradacaq TAP qaz boru kəməri ilə bağlı işlərə isəİtaliya öz ərazisində 2016-cı il 13 may tarixində start verib.
İtaliyanın “Snam S.p.A.” şirkəti Azərbaycan qazını Avropaya çatdıracaq "Trans-Adriatik” (TAP) qaz boru kəmərinin səhmdarıdır. TAP kəmərinin quraşdırılması prosesində iştirak hüququ qazanan şirkətlərdən biri “Saipem” şirkətidir. 2016-cı ilin may ayında “Saipem” Şahdəniz tərəfdaşlığının adından BP tərəfindən “Şahdəniz–2“ üzrə əsas müqaviləyə tərəf olub.
Maire Tecnimont şirkəti isə SOCAR Polymer layihəsinin mühəndislik, təchizat və tikinti üzrə kontraktorudur. Şirkət hazırda Bakıda Heydər Əliyev adına Bakı Neft Emalı Zavodunun yenidən qurulmasını təşviq edir. –12D--
-
- İqtisadiyyat
- 31 May 2016 14:45
-
- İqtisadiyyat
- 31 May 2016 15:58
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz