Milli Məclisdə Dövlət Sosial Müdafiə Fondunun 2017-ci il üçün büdcəsi müzakirə edilib.
Turan-ın məlumatına görə, layihəni təqdim edən Səlim Müslümov bildirib ki, 2017-ci ildə Fondun gəlirləri və xərcləri 3 mlrd 400 mln manat proqnozlaşdırılır.
Xərclərin 37,4%-i dövlət büdcəsindən transfertlər, 62,6% sığorta ödənişləri və başqa mədaxil hesabına ödəniləcək.
Pensiya verilməsi üçün Fond 3 mlrd 213 mln 82 min manat ayırmağı planlaşdırılır.
Fondun pensiya xərcləri 2016-cı ilə nisbətən 2,5% və ya 77,72 mln manat artacaq.
Parlamentin Əmək və sosial siyasət komitəsinin sədri Hadı Rəcəbli deyib ki, Fondun dövlət büdcəsindən asılılığı hər il azalır. 2012-ci ildə Fonda büdcə transfertləri 42% olub, 2017-ci ildə 37,4% təşkil edəcək.
H.Rəcəbli deyib ki, ölkədə orta yaş artdığı üçün 2017-ci ildə pensiyaçıların sayı 1,32 mln nəfərə çatacaq. Onun sözlərinə görə, orta aylıq pensiya 8% artaraq 203 manata çatacaq. O həmçinin deyib ki, 2017-ci ildə işsizliyə görə müavinətlər də artırılacaq. 71D
İqtisadiyyat
-
Azərbaycan Prezidenti İlham Əliyev 1 yanvar 2025-ci ildən etibarən əmək pensiyalarının indeksləşdirilməsi ilə pensiyaçıların sosial müdafiəsinin gücləndirilməsi məqsədilə sərəncam imzalayıb.
-
İtaliya hökuməti, bir sıra strateji aktivlərin satışı üzrə beynəlxalq tenderdə müraciətlərin qəbulunu 14 fevral tarixinə qədər uzatdığını açıqlayaraq, Azərbaycanın namizədinin hələ də favoritlər arasında olduğunu təsdiqləyib.
-
İqtisadi Araşdırmalar Mərkəzinin İdarə Heyətinin sədri Qalib Toğrulun araşdırması, Azərbaycan rayonları Ağdam, Füzuli və Xocavənddə bərpa layihələri ilə bağlı büdcə xərclərinə diqqət yetirir. Araşdırmada Ermənistan işğalından azad edilmiş ərazilərdə həyata keçirilən dövlət sifarişli tikinti və infrastruktur layihələri araşdırılıb.
-
Azərbaycanın iqtisadiyyat naziri Mikayıl Cabbarov fevralın 4-də Beynəlxalq Valyuta Fondunun (BVF) Azərbaycandakı missiyasının rəhbəri Anna Bordo başda olmaqla BVF nümayəndə heyəti ilə görüş keçirib. Görüşdə iqtisadi əməkdaşlıq, maliyyə sektorundakı çətinliklər və struktur islahatları müzakirə edilib, nazirlik bildirib.
Rəy yaz