Minoritarlar dövlət qurumlarının ayrılma proseduruna dair müxtəlif fikirdə olmasından əziyyət çəkirlər

Qiymətli Kağızlar üzrə Dövlət Komitəsi və və Vergilər Nazirliyi Mülki Məcəllədə hüquqi şəxsin ayrılma prosedurunu nəzərdə tutan  imkanından istifadə edərək, müxtəlif səhmdar cəmiyytələrinin əmlakını ələ keçirməklə məşğul olan şəxsləri himayə edirlər. Bu gün "Rusiya bu gün" beynəlxalq mətbuat klubunda minoritarların bu problemlə bağlı mətbuat konfransı keçirilib.

Fiziki şəxsin ana şirkətdən ayrılması üzrə dövlətin nəzarət orqanlarında (Qiymətli Kağızlar üzrə Dövlət Komitəsi və və Vergilər Nazirliyi) qeydiyyatdan keçən faktlar yerli qanunvericiliyə və Avropa İttifaqı Şurasının 6-cı direktivinə ziddir, deyə «Sumqayıt Soyuduc Baza» ASC-nin səhmdarı Şahin Əlizadə bildirib. O, Ədliyyə Nazirliyinə ünvanlanan yazılı sorğuya cavabı nümayiş etdirib. Orda qeyd edilir ki, bu prosedur ayrılma zamanı ASC-nin əmlakının fiziki şəxsə verilməsini nəzərdə tutmur. Qanunvericilik yalnız ana şirkətdən bir və ya bir neçə hüquqi şəxsin ayrılmasını nəzərdə tutur.

Səhmdarlar dəfələrlə vergilər naziri və QKDK sədrinin qəbuluna düşmək istəsələr də, mümkün olmayıb. Bu qurumlara yazılı müraciətlərə yayındırıcı cavablar alırıq, deyə səhmdar Tahir Axundov bildirib.

Nəticədə «Sumqayıt Soyuducu Baza» ASC-də 82 % səhmi olan majoritar ayrılma prosedurundan sui-istifadə edərək SC-nin onun əmlakının 99%-i, ərazisinin 98%-i ələ keçirib. Hüquqlarımız bərpa edilənə qədər mübarizə aparacağıq, deyə səhmdar Aydın Allahverdiyev bildirib.

Azərbaycan Respublikası qanunların Avropa qanunvericiliyinə uyğunlaşdırılmasına dair öhdəlik götürüb və mətbuat konfransı təşkilatçılarının məlumatına görə, yerli qanunvericiliyi pozanlara himayəçilik edən orqanlar  AB Şurasının altıncı direktivinə uyğun qanun layihəsi hazırlayıb.

Səhmdarların sözlərinə görə, kiçik səhm paketi sahiblərinin əmlak hüquqlarının pozulması ilə müşayiət edilən qanunvericiliyin belə kobud pozulması faktları əvvəllər də baş verib. “Sabunçu İstehsalat Xidməti Bazası” ASC-də mayın 6-dan növbəti dəfə hüquqi şəxsdən ayrılma cəhdi planlaşdırılıb. Bu SC-nin səhmdarlarının ümumi iclasının gündəliyində 81% səhmlərin 81%-nin sahibinin ayrılması məsələsi var. 08C