Moody’s Azərbaycan iqtisadiyyatının proqnozunu «0»a qədər pisləşdirib

Beynəlxalq Moody`s agentliyi Azərbaycan iqtisadiyyatı üzrə proqnozu pisləşdirib. Agentlik iyunda verdiyi proqnoza yenidən baxaraq, real ÜDM-in artımını 1%-dən 2017-ci ildə 0%-ə qədər endirib.

Turan-ın məlumatına görə, 2016-cı ildə agentlik ÜDM-in 0,7%-ə qədər azalacağını proqnozlaşdırır.

Moody`s  maliyyə sektorunda vəziyyətin pisləşməsini, devalvasiyanın əhalinin alıcılıq qabiliyyətinə təsirini və ikirəqəmli inflyasiyanın artmasını nəzərə alaraq, ölkə iqtisadiyyatının inkişaf sürətinin azalmasına gətirib çıxara biləcək risklərin olduğunu qeyd edirdi. Azərbaycanın makroiqtisadi proqnozlarının pisləşməsi energetika bazarlarının qiymətləndirmələri və neft qiymətləri ilə bağlı ümidlərin azalması ilə əlaqədardır. Bundan başqa, Moody`s Azərbaycanın maliyyə sisteminə təzyiqin artmasını, ödəmə balansının vəziyyətini, habelə milli valyutaya etibarın azalmasını və bank sisteminin dollarlaşmasını qeyd edib.

ÜDM-ə nisbətdə xarici borcun 2014-cü ildə 11,2%-dən ilin sonuna qədər 29,6%-ə qədər artacağı proqnozlaşdırılır.

Real ÜDM inflyasiyaya əsasən hesablanır və əvvəlki və ya əsas götürülən istənilən başqa ilin qiymətləri ilə ifadə olunub (bu ilin cari qiymətləri ilə ifadə olunan nominal ÜDM-dən fərqli olaraq). Real ÜDM-də qiymət artımı deyil, ÜDM artımının real istehsalın inkişafında hansı dərəcədə müəyyən ediliyi nəzərə alınır. -0-