Mükafatların yarıdan çoxu 3 növ üzrədir

Bu ilin yanvar-avqustunda yığım sığortası aktivləşib. Həyat sığortası üzrə 44,6 mln manat mükafatın 20,67 mln-u bu növ üzrədir. İstehsalatda bədbəxt hadisələr və peşə xəstəlikləri nəticəsində peşə əmək qabiliyyətinin itirilməsi hallarından icbari sığorta üzrə 20,47 mln manat manat mədaxil olub. Sağalmaz xəstəliklər üzrə 114,95 min manat, ölümə görə 3,34 mln manat yığılıb. Bu istiqamət üzrə ümumi mükafatların (265,71 mln manat) 16,8%-i toplanılıb. 

Mütləq rəqəmlərdə KTS liderdir. Bu növ üzrə 47,28 mln manat yığılıb. Avtonəqliyyat vasitələri sahiblərinin mülki məsuliyyətinin icbari sığortası (yeni AVSMMİS) üzrə 43,14 mln manat, avtomobillərin КАСКО sığortası üzrə 37,78 mln manat. Bu 3 növ mükafatların 48,25%-i təmin edib. 

Əmlakın yanğından və başqa risklərdən sığortası üzrə 24,09 mln manat, hava nəqliyyatının sığortası üzrə 10,22 mln, yük sığortası üzrə 10,05 mln manat toplanıb. 

Könüllü növlər üzrə 175,16 mln manat yığılıb. Bədbəxt hadisə və xəstəliklərdən sığorta üzrə 7,13 mln manat, hava nəqliyyatı vasitələri sahiblərinin mülki məsuliyyətinin sığortası üzrə 3,82 mln manat, su nəqliyyatının sığortası üzrə 1,15 mln manat, avtonəqliyyat vasitələri sahiblərinin mülki məsuliyyətinin sığortası üzrə 1,51 mln manat, xaricə səyahət sığortası üzrə 1,29 mln manat, kənd təsərrüfatı bitkilərinin sığortası üzrə 279,63 min, ev heyvanlarının sığortası üzrə 282,78 min manat, könüllü sığortanın başqa növləri üzrə 977,21 min manat toplanıb. 

Ümumi mülki məsuliyyətin sığortası üzrə 3,38 mln manat, işə götürənlərin məsuliyyətinin sığortası üzrə 1,15 mln manat, peşə məsuliyyətinin sığortası  üzrə 524,59 min manat toplanıb. 

İcbari növlər üzrə 90,55 mln manat mükafat olub. Ay ərzində 10 mln artım qeydə alınıb. Hərbçilərin icbari sığortası üzrə 11,1 mln manat, məhkəmə və hüquq-mühafizə orqanları əməkdaşlarının icbari sığortası üzrə 6,85 mln manat toplanıb. 

Əmlakın icbari sığortası üzrə 8,63 mln manat, əmlak sahiblərinin mülki məsuliyyətinin icbari sığortası üzrə 248,3 min manat, sərnişinlərin sığortası üzrə 67,82 min manat (bir ayda 300 manat) yığılıb. --17D—