Məhdud çıxış şəraitində seçkiöncəsi təbliğat

Sentyabrın 16-dan prezident seçkilərində seçkiqabağı təşviqat başlayıb. Təşviqat kampaniyası oktyabrın 8-də - səsvermənin başlanmasına 1 sutka qalmış başa çatacaq. 

Dövlət başçısı postu uğrunda 10 nəfər mübarizə aparır: hazırki prezident, hakim Yeni  Azərbaycan Partiyasının sədri İlham Əliyev, Ümid Partiyasının lideri, Milli Məclisin deputatı İqbal Ağazadə, parlamentin deputatı, namizədliyini özü sürən Zahid Oruc, Sosial –Demokrat Partiyasının sədri Araz Əlizadə, Bütöv Xalq Cəbhəsi Partiyasının sədri, deputat Qüdrət Həsənquliyev, Müasir Azərbaycan Partiyasının sədri Hafiz Hacıyev, Milli Dirçəliş Partiyasının sədri, deputat Fərəc Quliyev, Demokratik    Qüvvələrin Milli Şurasının nümayəndəsi Cəmil Həsənli, Ədalət Partiyasının sədri, deputat İlyas İsmayılov və Demokrat  Partiyasının sədri Sərdar Cəlaloğlu. 

Seçkiqabağı təşviqat KİV, o cümlədən on-line media, küçə təbliğatı, qapalı yerlərdə, açıq meydan və meydançalarda seçicilərlə görüşlər vasitəsilə keçirilə bilər.

Namizədlər İctimai Televiziya və radionun efirində, “Azərbaycan”, “Xalq”, “Respublika” və “Bakinskiy rabociy” dövlət qəzetlərinin səhifələrində pulsuz təşviqat apara bilərlər.

İctimai Televiziya və Radioda pulsuz təşviqata 3 saat, yəni, hər namizədə 18 dəqiqə  pulsuz təşviqat vaxtı ayrılacaq. 

Pullu təşviqata gəlincə, 21 informasiya agentliyi və on-line media, 26 qəzet  və jurnal, ənənəvi televiziya (İTV) və 2 on-line televiziya siyasi reklam yerləşdirmək istəyini bəyan ediblər.

Qeyd edək ki, qalan ümummilli və regional telekanallar namizədlij pullu əsasda təbliğatlarına maraq göstərməyiblər. 

Ekspertlər bunu namizədlərin alternativ mövqe və proqramları haqda təbliğatı minimuma endirmək istəyən iqtidarın telekalnallara nəzarəilə əlaqələndirirlər.     

Ekspertlər qeyd edirlər ki, qəzetlərin aşağı tirajlı, on-line nəşrlərə xüsusislə kənd yerlərində məhdud çıxış olduğu indiki şəraitdə televiziya əsas informasiya mənbəyi kimi qalır.  

Pullu reklamı yerləşdirən yeganə telekanal Ictimai televiziyadır ki, o da göstərilmə vaxtından asılı olaraq reklamın hər saniyəsinə 20-50 manat tələb edir. 

Bir çox prezidentliyə namizədlərin təmsilçiləri bu qədər vəsaiti ödəyə bilməyəcklərini deyərək pulsuz ödənişlə kifayətlənəcəklərini bəyan ediblər. 

 Dövlət başçısı İlham Əliyev təbliğat aparmayacağını bəyan etsə də telekanallar onun “dövlət başçısı kimi fəaliyyəti”ni ətraflı işıqlandırırlar. 

Prezidentliyə namizədlərin seçicilərilə görüşlərinin keçirilməsi üçün açıq və qapanlı məkanları iqtidar şəhər və rayonların kənarlarında ayırıb. 

Təşviqat məqsədilə namizədlərin plakatlarının yapışdırılması üşün iqtidar küçələrdə xüsusi lövhələr quraşdırır, amma bu lövhələr bir tərəfdən azdır, digər tərfdənsə kommersiya reklamlarının kölgəsində qalır.-05D-