Nazir əhalinin gəlirlərinin ədalətli əks etdirilməsindən danışıb

Ötən il ölkə əhalisinin gəlirləri 37-40 mlrd. manat səviyyəsində olub. Lakin Dövlət Statistika Komitəsi bunun hansı hissəsinin kölgə iqtisadiyyatının hesabına alındığını açıqlamır.

Bu barədə əmək və əhalinin sosial müdafiəsi naziri Səlim Müslümov ölkənin statistik sisteminin təkmilləşdirilməsi üzrə Avropa İttifaqının tvininq-layihəsinin təqdimatında bildirib.

Onun sözlərinə görə, əhalinin gəlirləri, müavinət alanlar, ünvanlı sosial yardım alanlar ilə bağlı statistikaya yenidən baxmaq lazımdır

“SSRİ dönəmində statistikada korrupsiya və rüşvətxorluqdan əldə olunan gəlirləri əks etdirən paraqraf vardı ki, bu da 5%-dək təşkil edirdi. Ancaq o zaman iqtisadiyyat belə deyildi, çünki xalq təsərrüfatı planlı idi. İndiki nəsil bilmək istəyir ki, əhalinin gəlirləri necə formalaşır. Çünki sosial yardım üçün vacib olan yoxsulluğun səviyyəsi bundan asılıdır.  Hazırda Azərbaycanda yoxsulluğun səviyyəsinin statistikası təqribən 5,1 faiz ailəni əhatə edən ünvanlı sosial yardım alanlar barədə məlumatlar əsasında formalaşır.

Ancaq bu əhalinin real həyat səviyyəsini əks erdirirmi və Dövlət Statistika Komitəsinin rəqəmləri ünvanlı sosial yardım alanlar haqqında gerçək məlumatlara uygundurmu? Hələlik yox. Lakim tvininq-layihənin reallaşmasından sonra bu göstəricilərə yeni yanaşma gözlənilir, nazir bildirib.-17D—