Neft Fondu Mercury Investments and Holdings Ltd-nin istiqrazları üzrə investisiyalardan 14 mln. əldə edib

2014-cü ildə Dövlət Neft Fondu (SOFAR) üç il ərzində  (2012-2014-ci illər) Mercury Investments and Holdings Ltd. şirkətinin istiqrazlarının alınması üzrə investisiyalardan 14 mln. əldə edib. Bu barədə Fondun illik hesabatında deyilir.

2013-cü il 18 iyul və 18 noyabr Azərbaycan Dövlət Neft Fondu Mercury Investments and Holdings Ltd. şirkətinin (Azərbaycan Respublikası Dövlət Neft Şirkətinin 100%-lik törəmə müəssisəsi) istiqrazlarını müvafiq olaraq 250,000 min ABŞ dolları və 70,000 min ABŞ dolları məbləğində nominal dəyərə alıb. 31 dekabr 2013-cü il tarixinə bu istiqrazların balans dəyəri 252,977 min AZN (2012: sıfır) olub. İstiqrazların ödəmə tarixi müvafiq olaraq 1 avqust 2014-cü və 15 dekabr 2014-cü ildir və kupon dərəcəsi müvafiq olaraq ildə 2% təşkil edir.

2012-ci il sentyabrın 26-da tarixində Fond “Mercury Investments and Holdings Ltd.” şirkətinin istiqrazlarını 200,000 min ABŞ dolları məbləğində nominal dəyərə alıb. 31 dekabr 2014-cü il tarixinə bu istiqrazların balans dəyəri 156,880 min AZN (2013: 160,588 min AZN) olub. İstiqrazların ödəmə tarixi 31 dekabr 2027-ci ildir və kupon dərəcəsi 6 aylıq USD LIBOR + 1.335% təşkil edir. Alış Azərbaycan  prezidentinin 27 oktyabr 2011-ci il tarixli 519 nömrəli “Azərbaycan Respublikası Dövlət Neft Fondunun valyuta vəsaitinin idarə edilməsi qaydaları” haqqında fərmanına uyğun olaraq həyata keçirilib. Bu istiqrazın buraxılmasının əsas məqsədi Azərbaycan Respublikasında Gəmiqayırma zavodunun təkmilləşdirilməsi və yenidən qurulması olub.  08B