Neftçala sənaye məhəlləsində də avtomobil istehsal ediləcək

Sentyabrdan Neftçala deyəndə təkcə balıq və yod-brom zavodu yada düşməyəcək. Neftaçala sənaye məhəlləsinə 8 investordan onlara rezident statusunun verilməsi məqsədilə müraciət daxil olub. Bu barədə iqtisadiyyat nazirinin müavini Sevinc Həsənova "Sənayeləşmə və innovativ inkişaf" mövzusunda keçirilən ictimai müzakirələr zamanı jurnalistlərə məlumat verib.

«Həmin müraciətlərə baxılır. Həmçinin NSM-da fəaliyyətə dair xarici investorlarla müzakirələr aparılır. Ümid edirik ki, investorlar NSM-da fəaliyyətə böyük maraq göstərəcəklər”, - deyə S.Həsənova bildirib və əlavə edib ki, balıq məhsullarının emalı və konservləşdirilməsi ilə yanaşı, burda avtomobil istehsalı da planlaşdırılır.

Xatırladaq ki, Azərbaycan prezidenti İlham Əliyev 2 fevral 2015-ci il tarixində Neftçala rayonunda sənaye məhəlləsinin yaradılması haqqında fərman imzalayıb. Sənaye məhəllələrinin fəaliyyətinin təşkili və tənzimlənməsi “Azərbaycan İnvestisiya Şirkəti” ASC-yə həvalə edilir (nizamnamə kapitalı 160 mln manat).

Hazırda sənaye məhəlləsində balıq yemi, nasos və avtoqoşqu istehsal edən iki rezident fəaliyyət göstərir. --17D—