Oktyabr ayinda təkrar mənzil bazarinda qiymətlər 2,2% ucuzlaşib

Oktyabr ayında paytaxtın və eləcədə respublikanın digər şəhərlərinin Təkrar Mənzil Bazarında (TMB) qiymətlər orta hesabla 2,2% ucuzlaşıb. Son bir ayda ötən aylara nisbətən bazardakı aktivliyin nisbətən zəifləməsi və bağlanan əqdlərin dinamikasında da azalma halları müşahidə edilmişdir. Ay ərzində qiymət ucuzlaşması paytaxtın bütün rayonları üzrə əsasən “fransiz”, “xruşovka” və “stalinka” layihəli binalarda, otaqlar üzrə isə əsasən 3-4-5 otaqlılarda müşahidə edilmişdir. Mütəxəssislərin hesablamalarına görə, ay ərzində satışa çıxarılan mənzillərin orta qiyməti-1 kv/m üçün-1285 ABŞ dollarıı təşkil edib. Ötən ilin müvafiq dövrü ilə müqayisədə qiymət artımı 31.1% olub. Bazarda 1 kv/m orta qiymətindən (1285 dollar) aşağı olan mənzillər ümumi portfeldə daha çox paya, yəni 53,2%-ə malikdir.  Yasamal, Nəsimi, Nərimanоv və Xətai rayоnlarının təklif pоrtfеlindəki payı ötən aylarda olduğu kimi mütləq çохluq təşkil еdib və onların ümumi payı 75%-dən daha yuxarı olmuşdur.  

Ekspertlər oktyabr ayında TMB-da qiymətlərin nisbətən ucuzlaşmasını əsasən təklifin artması və bazardakı aktivliyin nisbətən zəifləməsi ilə əlaqələndirirlər. TMB-da aktivliyin zəifləməsinə təsir göstərən əsas amillərə müvəqqəti olaraq ipoteka kreditləşməsinin dayanması və eləcədə qiymətlərin süni olaraq kəskin bahalaşması aid edilir. Yaxın günlərdə TMB-da sabitliyin davam edəcəyi proqnozlaşdırılır.