Noyabrın 1-i üçün Azərbaycanda pul kütləsi ötən ayla müqayisədə 9,38% (638,6 mln manat) artaraq 7 mlrd 448,9 mln manata çatıb.
İlin əvvəlindən pul kütləsi 7,93% (547,1 mln manat) artıb.
Ekspert Samir Əliyev Turan-a bildirib ki, pul kütləsi daha çox arta bilərdi.
O qeyd edib ki, pul kütləsinin artımı qeyri-neft sektorunun inkişafı üçün zəruridir. Amma bu proses inflyasiyanı da sürətləndirir.
«İnflyasiya prosesinin qarşısını almaq üçün AMB depozit hərracı və ya not buraxılması kimi müxtəlif alətlərlə pul kütləsi artımının qarşısını alır», deyə o bildirib. 71D
İqtisadiyyat
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
-
Alman-Azərbaycan Ticarət Palatası (AHK Azərbaycan) 18 dekabr 2024-cü ildə Bakıda ikiillik Üzvlərin Ümumi Yığıncağını keçirdi. Tədbirdə Palatanın nailiyyətlərini müzakirə etmək və gələcək planları müəyyənləşdirmək üçün 80-dən çox biznes nümayəndəsi bir araya gəldi.
Rəy yaz