Oxfam Azərbaycanın ərzaq təhlükəsizliyini gücləndirməyə çalışır

Britaniyanın Oxfam humanitar təşkilatı Avropa İttifaqının maliyyə dəstəyi ilə kiçik fermer təsərrüfatları vasitəsilə ərzaq təhlükəsizliyinin təmin edilməsinə dəstəyə və gender əsasında kənd yerlərinin inkişafına yönəlik  iki layihənin reallaşdırılmasına başlayıb. 

Çərşənbə axşamı Bakıda hökumət, parlament, beynəlxalq və qeyri-hökumət təşkilatlarının nümayəndələrinin iştirakı ilə layihələrin təqdimatı keçirilib. 

«Kiçik fermerlərin istehsalı yolu ilə ərzaq təhlükəsizliyinin yaxşılaşdırılması» layihəsi «İqtisadi Təşəbbüslərə Yardım» İctimai Birliyi və Azərbaycan Ərzaq Təhlükəsizliyi Alyansının fəal iştirakı ilə reallaşdırılacaq. 

 Bu layihə çərçivəsində üç rayonda (Bərdə, Tərtər və Ağdam) 50 min kiçik fərdi təsərrüfat kooperasiyasının vasitəçiliyi tətbiq ediləcək, bu da əmək məhsuldarlığı və onların rifahında da özünü göstərəcək. Ölkənin mərkəzi regionlarında 2016-cı ilə qədər ilə çiyələk və ərzaq yetişdirilməsi ilə məşğul olan 4000 fermerin dəstəyinə dair layihə reallaşdırılacaq.

Oxfam-ın kənd yerlərinin inkişafına dair layihəsinin rəhbəri Ramilə Aslanovanın sözlərinə görə, Azərbaycan 80% toxum və ərzaq idxalından asılıdır, gətirilən toxumların bir hissəsi isə keyfiyyətsizdir. 

Əməyin mexanikləşdirilməsi aşağı səviyyədədir. Bu və digər faktorlar ona gətirib çıxarır ki, tərəvəzçiliyin maya dəyəri digər ölkələrdən bahadır. 

Oxfam-ın əhalinin keyfiyyətli və əlçatımlı təminatını ölçmək üçün tətbiq edilən ərzaq indeksinə əsasən, Azərbaycan qidalanmanın keyfiyyətinə görə 125 ölkə arasında 91-ci yer tutur, hətta Ermənistandan (57-ci yer) da geridədir. Azərbaycanda regional inkişaf və əhalinin etibarlı ərzaq təminatı ilə bağlı bir neçə dövlət proqramı qəbul edilib. 

Oksfam təşkilatının İdarəetmə Proqramının rəhbəri Orxan Əlinin sözlərinə görə, nəzərdə tutulmuş məqsədlərə nail olmaq üçün 2017-ci ilə qədər kiçik fermer qruplarının maraqlarını nəzərə alan və son nəticədə keyfiyyətli ərzağın bolluğu və əlçatımlığını təmin edəcək ərzaq təhlükəsizliyinin təkmilləşdirilməsinə dair Milli strategiyanın işlənib hazırlanması vacibdir.

Oxfam-ın Azərbaycandakı nümayəndəliyi 2006-cı ildən kənd təsərrüfatına dair 15, o cümlədən fermerlərin bilik və bacarıqlarının yaxşılaşdırılması, torpaqların suvarılması mənbələrinin bərpası, fermerlərin yerli və xarici satış bazarlarına çıxmasına dair layihə reallaşdırıb. --08C-