Özəl sektorda sənaye istehsalı azalıb

Bu ilin 9 ayında sənaye məhsulunun 81%-nin formlaşdığı özəl sektorda sənaye istehsalı 2012-ci ilin eyni dövrü ilə müqayisədə 0,1% azalıb. Dövlətstatkoma görə, dövlət sektorunda artım 5,2% olub.

Rəsmi məlumata görə, istehsal azalması tütün məmulatı (-38,2%), toxuculuq (-34,8%) və tikiş (-21,4%) sənayesində, ağac emalı (-26,9%), kağız və karton istehsalı (4,2%), rezin və plastmas məmulatların istehsalı (-7,3%), metallurgiya sənayesində (-0,1%) qeydə alınıb. Hazır metal məmulatlarının istehsalı 2 dəfə, mebel istehsalı 0,2% azalıb. 

Sənaye istehsalının strukturunda hasilat sənayesinin xüsusi çəkisi 18,8 mlrd manatla 74,3% olub. Sənaye məhsulunun 19,9%-i emal sənayesinin payına düşür. Neft məhsulları istehsalı (1 589,5 mln manat, +6,2%) emal sənayesi məhsullarının üçdə birini təşkil edir. 

9 ayda Azərbaycanda sənaye istehsalının həcmi 0,9% artaraq 25 295,8 mln manat təşkil edib. 

Ekspertlər bildirir ki, gizli iqtisadiyyatın bir hissəsi sənaye sekturndadır. Bir çox iri müəssisələr oliqarxlara məxsusdur. Onlar vergidən yayınmaq üçün ikili mühasibat aparırlar. 08D