Bakı/11.09.17/Turan: Dövlət Əmlak Məsələləri Komitəsi "Property" MMC-ni dövlət torpaqlarının bazar prinsipləri ilə qiymətləndirilməsi üzrə məsləhətçi seçib. Bu şirkət səhmdar cəmiyyətlərə çevrilməklə özəlləşdiriləcək müəssisələrin nizamnamə kapitalının ölçüsünün müəyyən edilməsi üzrə idarənin mütəxəssislərinə məsləhətlər verəcək.
DƏMK konkret olaraq hansı torpaq sahələrindən və müəssisələrdən söhbət getdiyini dəqiqləşdirmir. Yalnız o məlumdur ki, "Property" qiymətləndirmə şirkəti öz xidmətlərinə görə 34,3 min manat alacaq.
Bu ilin iyununda komitə Bakıda və ölkənin 55 şəhər və rayonunda əmlakın qiymətləndirilməsi üzrə xidmət göstərilməsi haqqında tender elan edib (https://goo.gl/3JZ3BK). Söhbət irimiqyaslı özəlləşdirmə hazırlıqlarından gedir. Hələlik tenderin nəticələri haqqında heç bir məlumat verilmir.
Bu il DƏMK Suraxanı Maşınqayırma Zavodunun ("El-Ex" MMC - 14,2 min manat), "Bakı fəhləsi" Maşınqayırma Zavodunun ("Property" MMC - 14 min manat), Bakı Neft Maşınqayırma Zavodunun ("Əmlak Ekspert Mərkəzi" MMC - 14 in manat) əmlakının, nəqliyyat vasitələrinin ("Əmlak Ekspert Mərkəzi MMC" - 7,5 min manat) qiymətləndirilməsi üzrə xidmətlər əldə edib.
1996-2016-cı illərdə DƏMK təxminən 50 min birgə müəssisəni özəlləşdirib. Naxçıvan Muxtar Respublikasında 2000-ci ilin əvvəllərindən özəlləşdirmə yerli hökumət tərəfindən həyata keçirilir, baxmayaraq ki, bu, "Dövlət əmlakının özəlləşdirilməsi haqqında" qanuna ziddir. Yerli hökumət Naxçıvanda özəlləşdirmənin gedişatı haqqında hesabat vermir. 08B
İqtisadiyyat
-
Hazırda Bakıda Azərbaycan-Tacikistan biznes forumu keçirilir və bu forumda iki ölkə arasında artan iqtisadi əlaqələr vurğulanır. Azərbaycanın iqtisadiyyat naziri Mikayıl Cabbarov forumdakı çıxışında Azərbaycan ilə Tacikistan arasında ticarət dövriyyəsinin daha da artırılması üçün mühüm potensialın olduğunu deyib.
-
Azərbaycan hökuməti nəqliyyat sektorunun inkişafına üstünlük verməkdə davam edir. Bu, 2024-cü ilin yanvar-aprel ayları arasında müxtəlif nəqliyyat növlərinin artımında və şaxələndirilməsində özünü göstərib. Azərbaycanda bütün nəqliyyat növləri ilə yükdaşımaların ümumi həcmi ötən ilin müvafiq dövründəki 71,2 milyon tona qarşı 73,8 milyon tona çatıb. Maraqlıdır ki, yükdaşımaların 77,3 faizi özəl nəqliyyat müəssisələri, qalan hissəsi isə dövlət şirkətləri tərəfindən həyata keçirilib.
-
Kənd təsərrüfatı Azərbaycan iqtisadiyyatının əsas komponenti olaraq qalır və ölkənin ümumi daxili məhsuluna (ÜDM) mühüm töhfə verir. 2024-cü ilin ilk dörd ayında kənd təsərrüfatı sektorunun ÜDM-ə töhfəsi 2 milyard 116 milyon manat təşkil edib ki, bu da 2023-cü ilin eyni dövrü ilə müqayisədə 1,6 faiz çoxdur.
-
Dövlət Statistika Komitəsinin və Energetika Nazirliyinin son hesabatlarına əsasən, 2024-cü ilin ilk dörd ayında Azərbaycanın neft-qaz sektorunda hasilat və ixrac həcmlərində nəzərəçarpacaq dərəcədə azalma müşahidə olunub. 2024-cü ilin yanvar-aprel aylarında neft və qaz kondensatı da daxil olmaqla maye karbohidrogenlərin ümumi hasilatı 9,64 milyon tona çatıb ki, bu da 2023-cü ilin eyni dövrü ilə müqayisədə 5,7% azdır.
Rəy yaz