Pambıq ixracı elektrik enerjisi ixracına bərabərdir

Bakı/19.09.17/Turan: Bu il Azərbaycan pambıq istehsalını 3 dəfə artıraraq bu göstəricini 250 min tona çatdırmağı planlaşdırır. Ancaq ekspertlər hesab edirlər ki, nə məşğulluğun təminatı, nə də ölkəyə valyuta axınının artırılması baxımından bu, vəziyyətdən çıxış yolu deyil.

Dövlət Gömrük Komitəsinin məlumatına görə, bu ilin səkkiz ayında Azərbaycan xaricə ötənilki məhsulun hesabına 24,1 min ton pambıq lifi göndərib. İxrac 2,4 dəfə artıb. Məhsul ixracından $37,3 mln. əldə edilib. Bu 2016-cı ilin müvafiq göstəricisindən $21,2 mln. çoxdur.

Pambıq ixracından daxilolmalar bu ilin səkkiz ayı ərzində 812 kVt elektrik enerjisinin satışından daxil olan gəlirə bərabərdir.

Pambıq yığımı yüksək templə davam edir. Dövlət Statistika Komitəsinin sentyabrın 18-nə olan məlumatına görə, plantasiyalardan 10,5 min ton pambıq yığılıb ki, bu da 2016-cı ilin müvafiq dövründə olduğundan 5,8 dəfə çoxdur.

Bu il pambıq üçün əkin sahələri 136,4 min ha təşkil edib. Orta məhsuldarlıq 18 s/ha səviyyəsində gözlənilir.08B