Paşabank BakuHRExperience-in sponsorudur

Payızda Azərbaycanda ilk dəfə əmək resurslarına həsr edilmiş BakuHRExperience beynəlxalq konfransı keçiriləcək. Sponsor Paşabankdır. 

Baku HR Experience konfransında Gazprom, Coca Cola, Expedia, Statoil, eBay və digər dünyada tanınmış şirkətlərin mütəxəssisləri iştirak edəcək. Onlar 4-5 noyabr tarixində Azərbaycanda toplaşaraq, yerli mütəxəssislərlə HR sahəsindəki son tendensiya və yeniliklər haqqında müzakirələr edəcəklər. Konfrans çərçivəsində Azərbaycanda ilk dəfə HR sahəsində nailiyyətlərə görə mükafatlandırma da keçiriləcək. Mükafatlar Azərbaycan bazarında HR sahəsində fəaliyyət göstərən ən yaxşı mütəxəssis, komanda və strategiyalara şamil ediləcək. Tam ədalətliliyi təmin etmək üçün namizədləri tədbir təşkilatçıları təyin etməyəcəklər. Bütün maraqlananlar müsabiqədə iştirak etmək üçün müraciət etməlidirlər. Müraciət üçün ərizə formasını aşağıdakı keçiddən yükləmək olar: http://thepworld.com/hr_awards

Müsabiqənin münsiflər heyəti konfransda çıxış edəcək aşağıdakı beynəlxalq mütəxəssislərdir: Coca Cola Erfrischungsgetraenke AG şirkətinin təşkilati meneceri Rayner Yensen, Britaniya İmperiyasının Ən Mükəmməl ordeni üzvü, Personal və Kadr İnkişafı Kral İnstitutunun üzvü, British Telecom şirkətinin sabiq HR direktoru Cenni Arvas, Gazprom International şirkətinin inkişaf və təlim üzrə direktoru Rob Veyersma, eBay və Skype şirkətinin HR üzrə sabiq qlobal direktoru, Purple Beach platformasının yaradıcısı Annemi Pess.  

Əmək resursları sahəsində fəaliyyət göstərən və ya yenilik inisiativləri olan yerli şirkətləri tədbirdə iştirak etməyə dəvət edilir. Baku HR Experience konfransı Platin sponsor The HR Company (HRC), qızıl sponsor Nar Mobile və tədbirin ən yaxşı işəgötürəni PaşaBankın dəstəyi ilə, P World şirkəti tərəfindən təşkil edilib.

Paşa Bank Azərbaycanın aparıcı korporativ bankıdır. 2007-ci ildə təsis olunmuş Bank  geniş spektrli korporativ bank xidmətlərini göstərir, kreditlərin verilməsi, qiymətli kağızlar bazarında əməliyyatlar, aktivlərin idarə olunması və xəzinədarlıq xidmətləri ilə məşğuldur.

Baş ofis və dörd filialı olan Paşa Bankda 207 əməkdaş çalışır. "Europe Banking Avards 2011" çərçivəsində Bank "Azərbaycanın ən yaxşı İnvestisiya Bankı" elan olunub. 

Paşa Bank Azərbaycanın iri investisiya holdinqi olan və sığorta, inşaat, inşaat materiallarının istehsalı, turizm və eləcə də biznesin sair istiqamətlərində də geniş təmsil olunan Paşa şirkətlər qrupunun bir hissəsidir. Azərbaycanın pərakəndə bankçılıq bazarının iri banklarından biri olan Kapital Bank da Paşa şirkətlər qrupuna daxildir. —15D--