Prezident 223 kəndin suə təminatının yaxşılaşdırılması barədə sərəncam verib

Dövlət başçısı İlham Əliyev yanvarın 29-da 32 rayonun 223 yaşayış məntəqəsində  əkin sahələrinin və əkin üçün istifadə olunan həyətyanı torpaq sahələrinin suvarma suyu ilə təminatının yaxşılaşdırılması barədə sərəncam verib. Bu məqsədlə 2014-cü il dövlət büdcəsində nəzərdə tutulmuş prezidentin ehtiyat fondundan Meliorasiya və Su Təsərrüfatı Açıq Səhmdar Cəmiyyətinə 15  milyon manat ayrılıb. 

Bu vəsaitlə əhalisi 622 min nəfərdən çox əhalinin həyətyanı torpaq sahələrinin suvarma suyu ilə təminatının yaxşılaşdırılması, habelə əhalinin içməli suya olan tələbatının ödənilməsi üçün 250 subartezian quyusunun layihələndiriləcək. Bu, 2013-cü ilin mayından ikinci belə sərəncamdır. O vaxt Meliorasiya və Su Təsərrüfatı Açıq Səhmdar Cəmiyyəti 104 kəndə 107 subartezian quyusunun qazılması üçün 6 mln manat ayırmışdı. 

Azərbaycanda torpaqların 55%-i və ya 4 756,5 min ha torpaq kənd təsərrüfatı üçün yararlıdır. Bunun 1 432,6 mini ha-sı və ya 16,6% suvarılan torpaqdır. Əkin sahələrinə 1,8 mln ha ayrılıb. Bunun 181,6 min hektarı işğal altındadır. 

Ölkədə ildə 7-9 mlrd m3 sudan, o cümlədən  kənd təsərrüfatı üçün 65-70%-dən istifadə edilir. 

2013-cü ildə Şabranda Taxtakörpü su anbarı istismara verilib. O, 150 min ha torpağı suvarmağa, 30 min ha sahədə növbəli əkinə imkan verəcək. 08D