Prezident İlham Əliyev 2017-ci il üçün dövlət büdcəsi haqqında qanunu təsdiqləyib

Prezident İlham Əliyev dekabrın 16-da ölkə parlamentinin qəbul etdiyi 2017-ci il üçün dövlət büdcəsi haqqında qanunu təsdiqləyib.

2016-cı il üçün proqnoz tapşırıqları ilə müqayisədə dövlət büdcəsinin xərcləri 10%-dən çox azalıb. Büdcə kəsiri 645 mln. manat (370 mln. dollar) təşkil edib.

2017-ci il üçün dövlət büdcəsinin gəlirləri  15 mlrd. 955 mln. manat həcmində (hazırki məzənnə ilə 9,05 mlrd. dollar) proqnozlaşdırılır.

2016-cı illə müqayisədə azalma 867 mln. manat (492 mln. dollar) və ya 5,2% təşkil edib. Dövlət büdcəsinin xərcləri 16 mlrd. 600 mln. manat (9 mlrd. 420 mln. dollar) səviyyəsində proqnozlaşdırılır ki, bu da ölkə ÜDM-in 27%-ni təşkil edir.

2016-cı illə müqayisədə xərclərin azalması 1 mlrd. 895 mln. manat (1 mlrd. 75 mln. dollar) və ya 10,2%  təşkil edir.

Dövlət büdcəsinin proqnoz göstəriciləri  bir barel neftə görə 40 dollar hesabı ilə formalaşıb.

Dövlət Neft Fondundan transfertlər 6 mlrd. 100 mln. manat həcmində (3 mlrd. 461 mln. dollar) proqnozlaşdırılır ki, bu da  2016-cı illə müqayisədə 1 mlrd. 515 mln. manatdan (860 mln. dollar) az və ya 19,9% təşkil edir.  Ümumilikdə, neftdən daxilolmaların xüsusi çəkisi 49,2% (7 mlrd. 855 mln. manat) (4 mlrd. 457 mln. dollar) təşkil edib. Bu göstərici 2016-cı ildə olduğundan 14,9% azdır.

Müdafiə xərcləri 2,8 mlrd. manat (1,6 mlrd. dollar) səviyyəsində proqnozlaşdırılır ki, bu da dövlət büdcəsinin bütün xərclərinin 16,7%-ni təşkil edir. 2016-cı illə müqayisədə 2,9% çoxdur.

ÜDM artımı 1% səviyyəsində proqnozlaşdırılır və 61,4 mlrd. manat (34,9 mlrd. dollar) təşkil edəcək.

2017-ci il üçün inflyasiya 7,3% səviyyəsində proqnozlaşdırılır.—06D-