Prezident İlham Əliyevin Brüssel səfəri zamanı Avropaya qaz nəqlinin marşrutu açıqlana bilər
Prezident İlham Əliyev iyunun üçüncü ongünlüyündə Brüsselə gedəcək. Bu barədə iyunun 5-də Avropa İttifaqının Azərbaycandakı nümayəndəliyinin rəhbəri Rolan Kobia Bakıda keçirilən 20-ci Beynəlxalq Caspian Oil & Gas konfransındakı çıxışında bildirib.
Onun sözlərinə görə, səfər Avropa Komissiyasının prezidenti Joze Manuel Barrozunun dəvətilə baş tutacaq. “Hesab edirəm ki, bu görüş bizi Cənub qaz dəhlizi məsələsində irəliyə aparacaq. Əldə etdiyimiz məlumata görə, qərarların qəbul olunması prosesi gedir və 2019-cu ilin əvvəlinə kimi ilk qazı alacağımıza ümid edirik”, - Kobia bildirib.
“Yaxın həftələrdə Azərbaycan qazının Avropaya nəqlinin yekun marşrutu, oktyabrda isə Cənub qaz dəhlizinə investisiyalar üzrə yekun qərarlar qəbul olunacaq”, - Kobia vurğulayıb.
Aİ nümayəndəsinin sözlərinə əsaslanaraq güman etmək olar ki, rəsmi Bakı Azərbaycan qazının Avropaya nəqli ilə bağlı “Şahdəniz” konsorsiumu tərəfindən marşrutun seçilməsini Brüsseldə təntənəli şəraitdə bəyan edəcək.
Xəzər regionundan Avropa bazarlarına “mavi yanacaq” nəql edəcək Cənub qaz dəhlizinin əhəmiyyətinə toxunan Aİ nümayəndəsi xüsusilə qeyd edib ki, “bu, proyekt deyil, konkret imkanlar və potensialdır”.
O deyib ki, Azərbaycan Cənub qaz dəhlizində aparıcı ölkədir. Azərbaycanın “Şahdəniz” yatağından işlənmənin ikinci mərhələsi çərçivəsində qaz 2019-cu ilin əvvəlində Avropaya nəql ediləcək ilk qaz olacaq. Lakin biz Cənub qaz dəhlizinə çoxmərhələli layihə kimi baxırıq. Ümid edirik ki, bu boru kəməri Azərbaycanın digər yataqlarından da qaz alacaq, həmçinin Türkmənistan və Şimali İraq qazını cəlb edəcək”, - Aİ nümayəndəsi vurğulayıb.
O qeyd edib ki, bu kontekstdə “regionda qaz nəqli üçün daha miqyaslı və şaxəli infrastrukturun inşası qaçılmazdır”. “Biz bundan irəli gələrək Transxəzər qaz kəmərinin tikintisi üzrə Azərbaycan və Türkmənistanla danışıqları davam etdirəcəyik. Ümid edirik ki, bu sahədə razılaşmaya nail olacağıq”, - Kobia bildirib.-12S—
-
- Cəmiyyət
- 5 İyun 2013 13:42
-
- İqtisadiyyat
- 5 İyun 2013 14:05
İqtisadiyyat
-
Azərbaycan 2024-2025 mövsümü üçün buğda idxalını artırmağa hazırlaşır, bu ilin yerli buğda istehsalında əhəmiyyətli azalma baş verib. Dövlət Statistika Komitəsinin məlumatlarına görə, 2024-cü ildə ölkədə 1,68 milyon ton buğda yığılıb ki, bu da əvvəlki illə müqayisədə 8,1% azalma deməkdir. Məhsul yığımındakı bu azalma və son aylarda idxal həcmlərinin artması Azərbaycanın buğda tələbatını ödəmək üçün xarici tədarükçülərə daha çox güvənəcəyini göstərir.
-
Azərbaycan Dəmir Yolları QSC (ADY) tranzit yük daşımalarının səmərəliliyini artırmaq məqsədilə konteyner daşımalarının idarə edilməsi üzrə yenidən təşkilatlandırma planlarını elan edib. Bu yenidən təşkilatın bir hissəsi olaraq, ADY Express 1 noyabr 2024-cü ildən etibarən ADY Konteyner ilə birləşdiriləcək. Bu birləşmə həm konteyner, həm də vaqon daşımalarında təklif olunan xidmətlərin spektrini genişləndirməyə yönəlib.
-
Azərbaycanda təsisçilərinin fiziki və ya hüquqi şəxs olmasından asılı olmayaraq, xarici investisiyalı hüquqi şəxslərin elektron dövlət qeydiyyatına alınmasına imkan verən qanunvericilik bazası tətbiq edilib. Bunu Dövlət Vergi Xidmətinin rəis müavini Samirə Musayeva “Biznesə daxilolma” İşçi qrupunun iclasında çıxışı zamanı deyib.
-
Dünya Bankı, Azərbaycan rəsmiləri və Dünya Bankı nümayəndələri arasında aparılan müzakirələrə əsasən, Azərbaycanın iqtisadi inkişafına yeni tərəfdaşlıq çərçivə proqramı vasitəsilə daha da dərin şəkildə cəlb olunmağı planlaşdırır. Təklif olunan çərçivə proqramı 2025-2029-cu illəri əhatə edəcək və ölkənin innovativ və daha az resurslardan asılı olan iqtisadiyyata keçidini dəstəkləmək üçün nəzərdə tutulub.
Rəy yaz