![Prezident naməlum layihələr üçün Sumqayıt Şəhər İcra Hakimiyyətinə 5 milyon manat ayırıb](https://turan.az/resized/750/500/resize/media/2014/main/022600070509.jpg)
Prezident naməlum layihələr üçün Sumqayıt Şəhər İcra Hakimiyyətinə 5 milyon manat ayırıb
Prezident İlham Əliyevin sərəncamı ilə Azərbaycan Respublikası Prezidentinin ehtiyat fondundan Sumqayıt Şəhər İcra Hakimiyyətinə 5,0 milyon manat ayrılıb. Bu vəsait “şəhərinin sosial-iqtisadi inkişafının sürətləndirilməsi və abadlıq işlərinin davam etdirilməsi məqsədi ilə” ayrılıb. Müstəqil ekspertlər belə qeyri-şəffaf qərarları siyasi məqsədli sayır.
Dünən dövlət başçısı Sumqayıta gedib. 2011-ci ildən orda Nəsimi adına parkın yenidənqurulması aparılır. Sumqayıt İH başçısı Eldar Əziziv park boyunca yolun tikintisi, Bakı-Quba avtomobil yolunun genişləndirilməsi, “Yaşıl teatr” tikintisi, 20 Yanvar və Xocalı faciələrinə abidə qoyulması layihələri ilə tanış edib.
Buna qədər Prezidentin ehtiyat fondundan Sumqayıt Şəhər İcra Hakimiyyətinə 10 mln manat ayrılıb. Bu vəsaitlərin nəyə xərcləndiyi barədə hesabat verilmir.
«Milli Büdcə Qrupu» QHT koalisiyasının üzvü Rövşən Ağayev Turan-a deyib ki, bu vəsaitlərin əsas hissəsi investisiya xarakterli layihələrə xərclənir. Bu, «Büdcə sistemi haqqında» qanuna ziddir. Çünki hökumət büdcə investisiyalarını daha konkret layihələr üzrə yönəldir. MBQ büdcə tədqiqatları üzrə öz rəylərində bu barədə mənfi mövqeyini bildirib.
Prezidentin ehtiyat fondu az ölkədə var. Gürcüstanda bu fondun vəsaitləri Azərbaycanla müqayisə edilə bilməz. Finlandiyada bu fond bu və ya digər sahədə dövlət pul mükafatları üçün istifadə olunur. Ötən illər Finlandiyada bu fondun həcmi 400 min avro olub.
2006-cı ildən Azərbaycanda bu fondun həcmi dövlət büdcəsinin 2%-i qədərdir. Bu vəsaitlərin istifadəsi üzrə şəffaflıq və hesabatlılıq yoxdur. Ağayev təklif edir ki, bu fond ləğv olunub dövlət mükafatları fondu yaradılsın.
2012 və 2013-cü illərdə Prezidentin ehtiyat fondunun istifadə edilən vəsaitləri 300 mln və 347 mln manat olub. Bu il Fondun vəsaitləri 367 mln manat, dövlət büdcəsinin xərcləri 18 433,5 mln manatdır.
Bu il Prezidentin ehtiyat fondundan Gəncəyə (5 mln manat) və Göyçaya (2 mln manat) vəsait ayrılıb. 08B
-
- Foto sessiyalar
- 26 Fevral 2014 14:05
-
- Siyasət
- 26 Fevral 2014 14:23
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz