![Qalan 8 məcburi köçkün ailəsi qəzalı binanı tərk edəcək](https://turan.az/resized/750/500/resize/media/2013/main/091200049440.jpg)
Qalan 8 məcburi köçkün ailəsi qəzalı binanı tərk edəcək
Sumqayıtda beşmərtəbəli qəzalı yataqxanada 8 məcburi köçkün ailəsi təşviş içərisində yaşayır. Onlar deyir ki, hökumət onları unudub. Qaçqınkom isə bildirir ki, onların mənzil problemi həll edilib.
Qubadlıdan olan köçkün Natiq Cababrov Turan-a bildirib ki, boru prokatı zavodunun keçmiş yataqxanasında yaşayan 121 ailə bu ilin mayında Nazirlər Kabinetinin sərəncamı ilə hərəyə 35 min manat kompensasiya alıb binanı tərk edib. Kompensasiyanı şəhər İcra Hakimiyyəti verib. Onlarla heç kəs maraqlanmır.
Məsələni aydınlaşdırmaq üçün Turan Qaçqın və Məcburi Köçkünlərin İşi üzrə Dövlət Komitəsinə müraciət edib. Qurumda Turan-a bildiriblər ki, əvvəlcə bu ailələri dövlətin hesabına mənzillə təmin etmək istəyiblər. Amma bu alınmayıb. Ona görə Nazirlər Kabineti qərara alıb ki, ailə tərkibindən asılı olmayaraq hər ailəyə 35 min manat verilsin. Kompensasiay gələn həftə veriləcək.
Qeyd edək ki, Sumqayıtda şayilər gəzir ki, qəzalı binanın yerində «ASAN Xidmət» Mərkəzi üçün bina tikiləcək. Hazırda Mərkəz qəzalı yataqxananın yaxınlığında icarəyə götürülmüş ikimərtəbəli binada yerləşir. --0--
-
- İqtisadiyyat
- 12 Sentyabr 2013 17:32
-
- Siyasət
- 12 Sentyabr 2013 17:57
İqtisadiyyat
-
2024-cü ilin iyul ayında Azərbaycan Respublikasının Dövlət Neft Fondu (DNF) valyuta satışında kəskin artım yaşadığını bildirərək, satış məbləğinin 826,3 milyon dollar olduğunu açıqladı. Bu rəqəm 2023-cü ilin iyul ayında qeydə alınan 272,7 milyon dollardan üç dəfə, 2024-cü ilin iyun ayında qeydə alınan məbləğdən isə iki dəfə yüksəkdir.
-
Dövlət Statistika Komitəsi 2024-cü ilin birinci yarısında Azərbaycanda taxıl istehsalının azaldığını, qarğıdalı da daxil olmaqla dənli və paxlalı bitkilərin ümumi istehsalının 1,96 milyon ton təşkil etdiyini açıqlayıb. Bu, ötən ilin eyni dövrü ilə müqayisədə 5,6% azdır.
-
Azərbaycan Prezidenti İlham Əliyev 2023-cü il iyulun 14-dən qüvvəyə minəcək “Ödəniş xidmətləri və ödəniş sistemləri haqqında” yeni qanuna uyğunlaşdırılması məqsədi ilə Prezidentin qüvvədə olan sərəncamlarında mühüm dəyişikliklər edilməsi haqqında fərman verib.
-
Azərbaycan prezidenti İlham Əliyev sektorun infrastrukturunun və investisiya bazasının yaxşılaşdırılması istiqamətində görülən geniş tədbirlər çərçivəsində turizm və rekreasiya zonalarını tənzimləyən yeni qaydaları təsdiq edib.
Rəy yaz