«Qarant Sığorta» şirkətinin sayəsində 100-ə yaxın gənc maliyyəçi sığorta işinin təşkili və müştərilərlə iş üzrə məlumatlandırılacaq.
Şirkətdə Turan-a deyiblər ki, “Qarant Sığorta” şirkətinin İnsan Resursları Departamentinin direktoru Ayan Bünyadzadə və anderraytinq şöbəsinin rəisi Murad Namazov bu məqsədlə seminar keçirib. İtkilərin tənzimlənməsi departamentinin rəhbərinin müavini Camal Həsənzadə isə «Karyerada necə uğur qazanmalı» mövzusunda mühazirə çərçivəsində uğurundan danışıb.
Təlimlərdən sonra bütün iştirakçılara sertifikat verilib, üç daha aktiv iştirakçı «Qarant Sığorta»da bir aylıq stajirovkaya dəvət olunub.
"Qarant Sığorta" sığorta fəaliyyəti ilə 2007-ci ildən məşğul olur. Şirkət 18 könüllü, 4 icbari növ üzrə xidmət göstərir. Bu gün üçün şirkətin nizamnamə kapitalı 4 mln manatdır. Şirkətin sahibi «ZQAN Holdinq»dir. Ötən il şirkət 8 mln 450,17 min manat toplayıb, 1 mln 543,21 min manat ödəniş edib. --17D—
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz