Bu ilin dörd ayında Vergilər Nazirliyinin xətti ilə dövlət büdcəsinə 2 mlrd 650,4 mln manat vergi mədaxili təmin edilib. Bu, 2013-cü ilin eyni dövründəkindən 5,4% çoxdur. Amma gizli iqtisadiyyatın səviyyəsi yüksək olduğu halda, vergi işçiləri dövlət büdcəsinə vergi yığımını artırmaq üçün bütün qanuni yollardan istifadə etmir.
İlin əvvəlindən qeyri-neft sektorundan dövlət büdcəsinə vergi və rüsum kimi 1 mlrd 411,9 mln manat daxil olub. Ötən ilin eyni dövrü ilə müqayisədə qeyri-neft sektorundan dövlət büdcəsinə vergi ayırmaları 15,2% artıb.
Sahibkarlar bildirir ki, onlardan Vergi Məcəlləsində nəzərdə tutulandan əlavə illik dövriyyənin 6%-i ödəmək tələb edilir. Bu vəsaitin hara getdiyi məlum deyil.
Bu il Vergilər Nazirliyi dövlət büdcəsinə 7,1 mlrd köçürülməsini təmin etməlidir. Bunun 4,3 mlrd manatı və ya 60,5% qeyri-neft sektorunun payına düşəcək. Ötən il 6,4 mlrd manat plana qarşı nazirlik 6 mlrd 664 mln manat (+4,1%) toplamışdı. 08D
İqtisadiyyat
-
Azərbaycan, regional ölkələrdən keçən yüklər üçün gömrük prosedurlarını sadələşdirmək və sürətləndirmək məqsədi daşıyan Transxəzər Gömrük-Tranzit Portalının yaradılmasını təşəbbüs edib. Məlumatların əvvəlcədən emalı və prosedurların sadələşdirilməsi yolu ilə yüklərin daha tez rəsmiləşdirilməsinə şərait yaradan bu portal, Xəzər regionunda ticarət səmərəliliyinin artırılması istiqamətində mühüm addım hesab olunur.
-
Azərbaycan Prezidenti İlham Əliyev Franklin Templeton şirkətinin baş direktoru və prezidenti Ceni Consonu qəbul edərək, strateji əməkdaşlıq imkanlarını müzakirə etdi. Franklin Templeton dünyanın aparıcı aktivlərin idarə edilməsi şirkətlərindən biridir.
-
2024-cü ildə Azərbaycanda elektrik enerjisi istehsalı 28 394,1 milyon kilovat-saat (kVt·st) təşkil edib. Bu barədə Energetika Nazirliyinin operativ məlumatlarında bildirilir.
-
Türk Dövlətləri Təşkilatının (TDT) Gömrük Xidməti Rəhbərlərinin 10-cu iclası çərşənbə axşamı Bakıda başlayıb. İclasda Azərbaycan, Türkiyə, Qazaxıstan, Özbəkistan və Qırğızıstanın yüksək vəzifəli nümayəndələri iştirak edirlər. Tədbirə həmçinin Birləşmiş Millətlər Təşkilatı, Beynəlxalq Avtomobil Nəqliyyatı İttifaqı (IRU), Gürcüstan və Macarıstan gömrük xidmətlərinin nümayəndələri də qatılıb.
Rəy yaz