Cümə günü «Azərenerji» prezidenti Etibar Pirverdiyevin rəhbərliyi ilə Azərbaycan nümayəndə heyətinin Qırğızıstana üçgünlük səfəri başa çatıb.
Nümayəndə heyətinin tərkibinə «Azərenerji»dən başqa «Azenco» ASC və «Expressbank» ASC-nin təmsilçiləri də daxil olub.
Səfər zamanı Qırğızıstan baş nazirinin birinci müavini Aalı Karaşevlə görüşdə Qırğızıstanda Azərbaycan investisiya-kommersiya bankı yaratmaq məsələsi müzakirə edilib, deyə “Kabar” agentliyi məlumat verir.
Görüş zamanı yerin təkindən istifadə, energetika, Qırğızıstanda mineral gübrə zavodu, yağ zavodu tikintisi məsələləri müzakirə olunub.
Azərbaycan tərəfi Qırğızıstanda idxalı əvəz edən məhsul istehsalı qurmaqda maraqlı olduğunu bildirib.
Tərəflər həmçinin Qırğızıstan ərazisində birgə Qırğızıstan-Azərbaycan-Qazaxıstan NEZ layihəsinin icrasını müzakirə ediblər, texnoparklar yaradılması təcrübəsini bölüşüblər.
Məlumdur ki, 2012-2013-cü illərdə ARDNŞ Qırğızıstanda NEZ tikəcək. Müvafiq razılıq Almazbek Atambayevin 2012-ci ilin aprelində Azərbaycana səfəri zamanı əldə edilib.—0—
İqtisadiyyat
-
Azərbaycanın iqtisadiyyat naziri Mikayıl Cabbarov Davosda keçirilən Dünya İqtisadi Forumu (DİF) çərçivəsində “Liderlər Dairəsi: Enerji Keçidinin Maliyyələşdirilməsi - Yeni Üfüq” sessiyasında iştirak edərək ölkənin qlobal enerji təhlükəsizliyindəki strateji rolunu və yaşıl enerji keçidi təşəbbüslərini vurğulayıb.
-
Gürcüstanın Batumi şəhərində Azərbaycan dövlət neft şirkəti SOCAR-ın təxminən 200 işçisi maaşlarının artırılması tələbi ilə yanvarın 21-də tətil keçiriblər. Yerli Batumelebi nəşrinin məlumatına görə, tətilə müxtəlif bölmələrdən texniklər və işçilər qoşulub. Onlar uzun illərdir ki, iş həcmlərinə uyğun olmayan minimal maaş aldıqlarını bildiriblər.
-
21 yanvar tarixində Davosda keçirilən görüşdə Azərbaycan Prezidenti İlham Əliyev Carlsberg Group-un Müşahidə Şurasının sədri Henrik Poulsen və şirkətin baş icraçı direktoru Yakob Aarup-Andersen ilə görüşüb. Müzakirələr zamanı Carlsberg Group-un Azərbaycandakı fəaliyyətini genişləndirməsi və yerli istehsalın, həmçinin dayanıqlılığın inkişafına sadiqliyi vurğulanıb.
-
2024-cü ildə Azərbaycanın "Vahid Pəncərə" İxrac Dəstəyi Mərkəzi müəssisə və fiziki şəxslərdən 1,747 sorğu qəbul edərək 3,982 ixrac sertifikatının verilməsini təmin edib. İqtisadi İslahatların Təhlili və Kommunikasiyası Mərkəzinin icraçı direktoru Vüsal Qasımlının sözlərinə görə, bu səylər 288,2 milyon ABŞ dolları dəyərində ixrac əməliyyatlarını dəstəkləyib.
Rəy yaz