Bu il qiymətli kağızlar bazarında peşə fəaliyyəti üçün 4 yeni lisenziya verilib. Qiymətli Kağızlar üzrə Dövlət Komitəsinin məlumatına görə, 38 belə lisenziya qüvvədədir.
Bu il qiymətli kağızlar bazarında yeni şirkət peyda olub “İnvest-AZ” MMC. O və törəmə şirkəti lisenziya alıb. İstanbul Fond Birjasında fəaliyyət göstərən şirkət yerli bazarda aktiv deyil. Milli Depozit Mərkəzinə klirinq fəaliyyəti lisenziyası da verilib.
İlin əvvəlindən 4 broker və 3 diler fəaliyyəti üzrə lisenziya yenilənib. “Billionare” şirkəti lisenziyadan məhrum edilib. “Qarant İnvest” MMC faktik fəaliyyət göstərmir. Qanunvericiliyə əsasən, nəzarət orqanı (QKDK) bazar iştirakçılarını da yoxlamalıdır. Onlarda ən azı 3 ixtisaslı əməkdaş olmalıdır. Turan-ın məlumatına görə, “Qarant İnvest” MMC QKDK-yə məlumat vermədən fəaliyyətini dayandırıb.
Hazırda QK bazarında 19 şirkət, o cümlədən 15 broker fəaliyyət göstərir. Bakı Fond Birjasının renkinqinə oktyabrda 10 şirkət daxil edilib. 08B
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz