Bu ilin I yarısında Azərbaycanda qiymətli kağızlarla əməliyyat həcmi 7 mlrd 52,5 mln manat təşkil edib. Bu, ötən ilin eyni dövründəkindən 0,6% azdır. Bu barədə Maliyyə Bazarlarına Nəzarət Palatasının hesabatında bildirilir.
Bu dövrdə korporativ və dövlət qiymətli kağızları ilə 5 mlrd 120,3 mln manat məbləğində 209 əqd bağlanılıb. Bu, ötən ilin eyni dövründəkindən 21,5 dəfə çoxdur.
Təkrar bazarda ümumi məbləği 1,9 mlrd manat olan 22 min əqd bağlanılıb. Korporativ qiymətli kağızların payına 286 mln manat düşür. Bu, ötən ilin eyni dövründəkindən 5 dəfə azdır.
Azərbaycanda törəmə qiymətli kağızlarla əməliyyat həcmi azalmaqda davam edir. Hesabat dövründə 1,5 mlrd manat məbləğində 20,8 min fyuçers bağlanıb. Bu, ötən ilin eyni dövründəkindən 3,4 dəfə azdır. 08D
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz