Qızıl istehsalı artıb

Azərbaycanda qiymətli metalların hasilatı və ilkin emalı bu ilin 10 ayında 10,7% artıb. Bu, Gədəbəydə  Azerbaijan International Mining Company Limited şirkətinin yeni zavodunun açılışı sayəsində mümkün olub. 

DSK-ya görə, bu ilin yanvar-oktyabrında Azərbaycan Mədən Əməliyyat Şirkəti 1364,3 kq qızıl, 584,3 kq gümüş istehsal edib. Bu, 2012-ci ilin eyni dövründəkindən 8,5% və 16% çoxdur. Mis filizi və konsentratı istehsalı 31,8% azalaraq 294,9 ton olub. 

Gədəbəyin yeni zavodunda saatda 100-150 ton filiz emal edilir. Əgər 2009-cu ildən fəaliyyət göstərərn köhnə zavodda filizdən 70% qızıl alınırdısa, yenidə bu göstərici 85%-dir. Burda ildə 32 min unsiya qızıl istehsalı nəzərdə tutulur.

1962 km2 sahəsi olan bir neçə yatağın işlənməsi üzrə Azərbaycan hökuməti ilə R.V İnvestment Services LLC (ABŞ) şirkəti arasında PSA sazişə görə, investisiya başa çatanda hökumətin payı 51%-ə yükəsələcək. Yatağın mənimsənildiyi ilk 6 ildə 300 min unsiya qızıl istehsalı planlaşdırılıb. 

“Gədəbəy” yatağında qızıl istehsalı 2009-cu ilin mayında başlayıb. Qızıl hasilatı ilə Anglo Asian Mining PLC şirkəti məşğul olur. Onun səhmləri London Fond Birjasında kotirovka olunur. Layihənin aktiv kreditoru Azərbaycan Beynəlxalq Bankıdır. 

2012-ci ildə əməliyyat şirkəti dövlətə pay olaraq 6,56 min unsiya qızıl və 6,369 min unsiya gümüş verib. 

Dövlət Gömrük Komitəsinin məlumatına görə, 2012-ci ildə 1 461,9 kq qızıl, ($80 797,7 min) və 591,7 kq gümüş ($610,8 min) ixrac edilib.

Bu ilin 10 ayında qiymətli metalların istehsalçı qiyməti ötən ilin eyni dövrü ilə müqayisədə 0,8% ucuzlaşıb. 08D