Bu ilin I rübündə qiymətli kağızların qeyri-investisiya alətləri bazarı mənfi tendensiya göstərib. Yeni maliyyə alətləri qeydə alınmayıb, bazardakı kağızlarda isə durğunluq olub.
Qiymətli Kağızlar üzrə Dövlət Komitəsinin məlumatına görə, yanvar-martda nə depozit sertifikatları, nə mənzil sertifikatları, nə də xəzinə vekseli emissiya edilib.
Ötən ilin dekabrında hökumətə tapşırılmışdı ki, idxalçılara gömrük rüsumu və vergisi ödəyən zaman xəzinə vekselindən istifadə imkanı yaradılsın. Amma hələ bu kağızlardan istifadə olunmur. Ötən ilin I rübündə bir tikinti şirkəti 61 mln manatlıq 96 mənzil sertifikatı buraxıb. Mənzilə böyük tələbata baxmayaraq, mənzil sertifikatları ev alanların marağına səbəb olmayıb.
Bu il Azərbaycanda 2,8 mln manatlıq adi veksellər imzalanmayıb.
QKDK 3 ayda 661 ipoteka kağızı qeydə alıb. Bu, ötən ilin eyni dövründəkindən 1% azdır.
Bu ilin I rübündə QKDK qiymətli kağızların girovu üzrə 7 müqavilə qeydə alıb. 2012-ci ilin eyni dövründə bu göstərici 23 idi. Girov QK sayı barədə məlumat verilmir.
Qeyd edək ki, qiymətli kağızlar investisiya və kapital cəlbinin yayılmış növü deyil. --08D—
İqtisadiyyat
-
Azərbaycanın iqtisadiyyat naziri Mikayıl Cabbarov Davosda keçirilən Dünya İqtisadi Forumu (DİF) çərçivəsində “Liderlər Dairəsi: Enerji Keçidinin Maliyyələşdirilməsi - Yeni Üfüq” sessiyasında iştirak edərək ölkənin qlobal enerji təhlükəsizliyindəki strateji rolunu və yaşıl enerji keçidi təşəbbüslərini vurğulayıb.
-
Gürcüstanın Batumi şəhərində Azərbaycan dövlət neft şirkəti SOCAR-ın təxminən 200 işçisi maaşlarının artırılması tələbi ilə yanvarın 21-də tətil keçiriblər. Yerli Batumelebi nəşrinin məlumatına görə, tətilə müxtəlif bölmələrdən texniklər və işçilər qoşulub. Onlar uzun illərdir ki, iş həcmlərinə uyğun olmayan minimal maaş aldıqlarını bildiriblər.
-
21 yanvar tarixində Davosda keçirilən görüşdə Azərbaycan Prezidenti İlham Əliyev Carlsberg Group-un Müşahidə Şurasının sədri Henrik Poulsen və şirkətin baş icraçı direktoru Yakob Aarup-Andersen ilə görüşüb. Müzakirələr zamanı Carlsberg Group-un Azərbaycandakı fəaliyyətini genişləndirməsi və yerli istehsalın, həmçinin dayanıqlılığın inkişafına sadiqliyi vurğulanıb.
-
2024-cü ildə Azərbaycanın "Vahid Pəncərə" İxrac Dəstəyi Mərkəzi müəssisə və fiziki şəxslərdən 1,747 sorğu qəbul edərək 3,982 ixrac sertifikatının verilməsini təmin edib. İqtisadi İslahatların Təhlili və Kommunikasiyası Mərkəzinin icraçı direktoru Vüsal Qasımlının sözlərinə görə, bu səylər 288,2 milyon ABŞ dolları dəyərində ixrac əməliyyatlarını dəstəkləyib.
Rəy yaz