QKDK və BFB əməkdaşları investisiya şirkətləri üçün kapital tələbləri üzrə Avropa təcrübəsini öyrənir

 Qiymətli Kağızlar üzrə Dövlət Komitəsində (QKDK) “İnvestisiya şirkətləri üçün kapital tələbləri” mövzusunda seminar keçirilir. Qəribədir ki, seminara ölkədə investisiya fondlarının yaradılmasının təşəbbüsçüsü ola biləcək yerli şirkətlər dəvət edilməyib. 

QKDK mətbuat xidmətində Turan-a bildiriblər ki, seminar QKDK və BFB əməkdaşları üçün Polşa Maliyyə Nəzarəti Agentliyinin və Almaniyanın Maliyyə nəzarət orqanının əməkdaşları tərəfindən keçirilir. O, “Azərbaycan Respublikasının qiymətli kağızlar bazarı üzrə qanunvericiliyinin Avropa İttifaqının qanunvericiliyinə uyğunlaşdırılması və Qiymətli Kağızlar üzrə Dövlət Komitəsinin institusional inkişafı” tvinninq layihəsi çərçivəsində təşkil olunub. 

Seminarın məqsədi  Azərbaycan Respublikasında investisiya şirkətlərinin kapital adekvatlığı sahəsində Avropa İttifaqının direktivlərinə  uyğunlaşdırılmış normativ-hüquqi bazanın yaradılmasıdır.

Azərbaycanda «İnvestisiya fondları haqqında” qanun 2010-cu ilin dekabrından qüvvədədir. Kapitala minimal tələb 500 min manatdır. İnvestisiya fondları lisenziyalı fəaliyyət növüdür. Hələ ölkədə bir dənə də investisiya şirkəti yoxdur. 08D