![Qubad İbadoğlu: «Valyuta bazarında gərgin vəziyyət AMB-nin adekvat olmayan siyasətinin nəticəsidir»](https://turan.az/resized/./turan-750-500-resize.webp)
Qubad İbadoğlu: «Valyuta bazarında gərgin vəziyyət AMB-nin adekvat olmayan siyasətinin nəticəsidir»
Azərbaycanda yaranmış dollar qıtlığının başlıca səbəbini FED-in gözlənilən qərarında axtarmaq doğru deyil, deyə İqtisadi Tədqiqatlar Mərkəzinin rəhbəri Qubad İbadoğlu hesab edir.
Turan-ın məlumatına görə, ekspert öz «Facebook» profilində qeyd edir ki, səbəbi milli iqtisadiyyatda, xüsusilə də qeyri-neft ixracatında yaranmış acınacaqlı vəziyyətlə, ölkədən kapital axını və Mərkəzi Bankın mövcud situasiyaya adekvat olmayan yalnış siyasətində axtarmaq lazımdır.
O qeyd edib ki, rəsmi və qeyri-rəsmi məzənnələr arasında fərq 10 faizə yaxınlaşır.
«Gömrük məlumatlna görə, bu ilin 6 ayında ümumi ixracat gəlirləri 3 milyard 821 min 500 dolar, ondan qeyri-neft ixracı 584 milyon 500 min dollar olub ki, bu da ötən ilin müvafiq dövrü ilə müqayisədə 27 faiz azdır. Beləliklə də adambaşına son 6 ayda ümumi ixrac 402 dollar, qeyri-neft bölməsinin ixracı isə 61,5 dollar olub. Ölkənin orta aylıq ümumi ixracatı 636,8 milyon, qeyri-neft ixracatı 97,4 milyon dollara bərabərdir. Deməli, əgər neft və qaz gəlirləri olmazsa milli iqtisadiyyatın indiki potensialı ilə valyuta gəlirlərimiz aylıq 100 milyon dollardan da aşağı düşərdi”, deyə İbadoğlu hesab edir. Onun sözlərinə görə, bu ilin ilk 6 ayında ölkəyə idxal mallarını gətirmək üçün 4 milyard, hər ay 666 milyon dollarlıq valyuta xərclənib.
İbadoğlunun fikrincə, dövlətin, şirkətlərin, bankların borc öhdəliklərini, vətəndaşların cari ehtiyaclarını ödəməyə də əlavə olaraq valyuta qazanılmalıdır. Valyutanı qazanmaq üçün isə rəqabətə dözümlü, yüksək texnologiyalı, inovativ mal və xidmət istehsal etmək lazımdır. Bu isə iqtisadiyyatın modernləşdirilməsi, eləcə də təhsilin səviyyəsindən asılıdır. İqtisadiyyatın modernləşdirilməsi üçün isə ölkəyə xarici sərmayələr gəlməli və əlverişli investisiya mühiti formalaşdırılmalıdır.
Təəssüf ki, bu hədəflərə qısa zaman çərçivəsində nail olmaq mümkün deyildir. Bu müddətdə manatı reanimasiyadan çıxartmaq mümkün olmayacaq. Ona görə də vaxt itirmədən islahatlara və iqtisadiyyatda təxirəsalınmaz tədbirlərə başlanılmalıdır, deyə İbadoğlu qeyd edib. 71В
-
- İqtisadiyyat
- 2 Sentyabr 2016 11:02
-
- İqtisadiyyat
- 2 Sentyabr 2016 11:20
İqtisadiyyat
-
«Caspian International Investment Company» 2023-cü ili 557 min manat xalis zərərlə başa vurub ki, bu da zərərlərin dörd dəfə çox olduğu əvvəlki illə müqayisədə xeyli yaxşılaşma deməkdir. Şirkətin il ərzində vergiyə qədər itkiləri 264 min manat təşkil edib ki, bu da 2022-ci illə müqayisədə 11 dəfə azdır. Gəlir vergisi ödənişlərinin isə 293 min manat olması strateji fiskal idarəetmə sayəsində əldə olunan səmərəliliyi vurğulayır.
-
Bazar ertəsi Bakıda 24-cü Respublika Arıçılıq Sərgi-Yarmarkası açılıb və orada 120 tona yaxın bal məhsulu satılır. Azərbaycanın 39 rayonundan 275 arıçının iştirak etdiyi tədbir sentyabrın 29-dək davam edəcək.
-
BAKI, 10 sentyabr (Reuters) – “Chain Reaction 2024” konfransı 10 sentyabr tarixində Bakı şəhərində başlamışdır və texnologiya sektorundan liderləri və yenilikçiləri bir araya gətirmişdir. FARI Solutions tərəfindən dördüncü sənaye inqilabı üzrə Təhlil və Koordinasiya Mərkəzi və İnnovasiya və Rəqəmsal İnkişaf Agentliyi ilə əməkdaşlıqda təşkil olunan tədbir, dünyanın ən böyük kriptovalyuta birjası olan Binance tərəfindən dəstəklənir.
-
Azərbaycan hökuməti Baş nazir Əli Əsədovun 6 sentyabr tarixində imzaladığı qərara əsasən, ali təhsil müəssisələrinin maliyyələşmə mexanizminə dəyişikliklər edib. Dəyişikliklər, bakalavr, magistr, tibb və doktorantura proqramlarında müxtəlif akademik səviyyələr və ixtisaslar üzrə tələbələrin illik təhsil xərclərini yeniləyir.
Почему Зангезурский коридор так бесит Иран? - беседа со Станиславом Тарасовым
Xəbər lenti
-
- Cəmiyyət,
- 14:25
- 318
Rəy yaz