Cümə axşamı Bakıda SOCAR prezidenti Rövnəq Abdullayev və BP şirkətinin Azərbaycan, Gürcüstan və Türkiyə üzrə prezidenti Qordon Birrelin iştirakı ilə Azərbaycan-Böyük Britaniya əməkdaşlıq forumu keçirilib.
Forumda diqqət əsasən neft maşınqayırması sahəsində əməkdaşlığa yönəldilib. Azərbaycan investisiya və texnologiyalara, Britaniya xaricdə sifariş və investisiya yerləşdirməyə maraq göstərir.
«Britaniya şirkətlərinə təklif edirik ki, Azərbaycan şirkətləri ilə birgə neft maşınqayırması sahəsində layihələr həyata keçirək. Məqsəd gələcəkdə neft və qaz sahəsində yerli istehsal məhsullarını genişləndirməkdir”, deyə iqtisadiyyat və sənaye nazirinin müavini Sahil Babayev bəyan edib.
Forumda 100-dək şirkətin nümayəndələri iştirak edir.
Böyük Britaniya Azərbaycana ümumi investisiyalar üzrə birinci, neft-qaz sahəsinə investisiyalarda ikincidir. Britaniya investisiyaları $21 mlrd, o cümlədən qeyrineft sahəsinə investisiyalar $1,3 mlrd təşkil edir.
2000-ci illərin əvvəllərində Azərbaycanda neft-qaz sahəsində işləyən şirkətlər rəsmi Bakıya təklif ediblər ki, Xəzərdə qazanılan kapitalı qeyri-neft sektoruna investisiya etməyə şərait yaratsınlar. Vergi və gömrük sahəsini nöqsanlı sayan britaniyalılar təklif edirdi ki, AÇG neft sazişi örnəyində investisiyalarını xüsusi qanunla qorusunlar. Bu ideyanı Remco şirkəti irəli sürüb. Amma ölkə rəhbərliyi bu təklifə müsbət cavab verməyib.—0—
İqtisadiyyat
-
2024-cü ildə qlobal ərzaq qiymətləri azalsa da, Azərbaycan bu tendensiyanı pozaraq ərzaq xərclərinin artımını qeydə aldı. Ekspertlər hesab edirlər ki, daxili bazarın qorunması üçün kənd təsərrüfatı istehsalının təcili olaraq genişləndirilməsi zəruridir.
-
Avropa İttifaqının ən böyük iqtisadiyyatlarından biri olan İtaliya, 2024-cü ildə daxili qaz istehlakındakı əhəmiyyətli azalmaya baxmayaraq, Azərbaycan təbii qazının əsas idxalçısı mövqeyini möhkəmləndirdi. Ölkə illik 61,7 milyard kubmetr qaz tələbatının böyük hissəsini ödəyərək 58,7 milyard kubmetr qaz idxal etdi ki, bu da 2023-cü illə müqayisədə 2,5% azalma deməkdir. Bu məlumat İtaliyanın enerji bazarı tənzimləyicisi GME tərəfindən yayımlanıb və İtaliyanın enerji mənbələri və istehlak nümunələrindəki dəyişiklikləri vurğulayır.
-
Şahdəniz qaz-kondensat yatağının operatoru olan BP bazar günü elan edib ki, Şahdəniz Alfa platformasında istehsal 18 yanvar axşamından bərpa edilib. Bu, Şahdəniz Alfa platforması ilə Səngəçal terminalı arasındakı sualtı kondensat ixrac boru kəmərində texniki problemin tam həllindən sonra baş verib.
-
SOCAR prezidenti Rövşən Nəcəf 18 yanvar tarixində Pakistanın Dövlət Neft Naziri Musadik Malik ilə görüşüb. SOCAR-ın məlumatına görə, müzakirələr zamanı enerji sahəsində birgə həyata keçirilən layihələr, əldə edilən nəticələr və müxtəlif sahələrdə, o cümlədən neft məhsulları ticarəti sahəsində əməkdaşlıq imkanları müzakirə olunub.
Rəy yaz