ROLLS-ROYCE Azərbaycanda ilk salonunu açıb

Rolls-Royce Motor Cars şirkəti Azərbaycanda ilk salonunu açıb.

Bakıda yerləşən yeni avtosalon “Rolls-Royce Motor Cars” şirkətinin Azərbaycanda rəsmi dileri və nümayəndəsi “Improtex Motors” MMM-in rəhbərliyi altında fəaliyyət göstərəcək.

Yeni avtosalon 300 m² ərazi tutur. Orda 3 avtomobil yerləşir. Salon öz ziyarətçilərinə xüsusi “Bespoke” xidmətini təklif edir – müştərilər sifariş proqramı çərçivəsində öz fərdi “Rolls-Royce” avtomobillərini yığa biləcəklər. Salonun açılışında “Rolls-Royce Motor Cars” şirkətinin baş icraçı direktoru Torsten Müller-Ötvös iştirak edib.

«Regionda optimist təsir bağışlayan iqtisadi inkişaf və alıcılar tərəfindən dəbdəbəli məhsullara tələbatın ciddi artımı müşahidə olunur. Azərbaycanda artıq dayanıqlı bahalı məhsul bazarı formalaşıb və bir çoxlarının fikrincə, ölkə növbəti mərhələyə - dünya tələbatı imkanlarına keçməyə hazırdır», - deyə o bildirib.

Improtex şirkəti 1991-ci ildə yaradılıb. 1998-ci ildə yaradılan “Improtex Motors” MMM Azərbaycan avtomobil biznesinin ilk şirkətlərindən biridir və əsas fəaliyyəti premium sinfi avtomobilləri ilə bağlıdır.

Şirkət BMW, “BMW Motorrad”, MINI və “Rolls-Royce” kimi məşhur markaları özündə birləşdirən BMW AG konserninin Azərbaycanda rəsmi və eksklüziv idxalçısıdır. Hazırda şirkətin BMW AG konserninin bütün standartlarına tam cavab verən 5 şourum salonu var.  08D