Bu il aprelin 1-i üçün Royalbank-ın sığortalanan əmanətçilərinə 12,9 mln manat kompensasiya verilib.
Bu barədə Əmanətlərin Sığortalanması Fondunun məlumatında bildirilir. Üç bankın (Bank Respublika, MuganBank, AGBank) 27 filailı vasitəsilə "Royalbank"ın sığortalanan əmanətçilərinə 14,712 mln manat ödəniləcək. Bankın sığortalanan əmanətlərinin ümumi məbləği 26,5 mln manatdır. Beləliklə, ümumi kompensasiyaların 87,8%-i ödənilib. Kompensasiyalar 1 avqust 2012-ci ildən verilir və 20 iyul 2013-cü ilə kimi davam edəcək.
Ötən ilin 12 iyulunda AMB "Royalbank"ı lisenziyadan məhrum edib və bunu məcmu kapitalın minimal məbləği və adekvatlığı tələblərinə əməl edilməməsi, kreditorları qarşısında öhdəliklərini icra edə bilməməsi, idarəetməni və cari fəaliyyəti etibarlı və prudensial qaydada həyata keçirməməsi, eləcə də Mərkəzi Bankın verdiyi yazılı göstərişlərini yerinə yetirməməsi ilə əsaslandırıb.
Fond 2007-ci ilin avqustundan fəaliyyət göstərir. Üzvləri 45 bankdan 43-dür. Sığorta kompensasiyasının maksimal həcmi bir əmanət üçün 30 min manatdır. 1 iyun 2010-cu ildən Fond illik faiz dərəcəsi 12%-dən çox olan əmanətləri sığortalamır. –15D—
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz