Rusiya Azərbaycanı Vahid Gömrük İttifaqına dəvət edir

Cümə axşamı “Park.İNN” otelində “Rusiya-Azərbaycan dialoqu-2012” üçüncü  Rusiya- Azərbaycan regionlararası öz işinə başlayıb. 

 Tədbiri “Avrasiya Araşdırmalar İnstitutu” İnkişaf Fondu Azərbaycan və Rusiya Prezident administrasiyalarının dəstəyi ilə təşklil edib.

Forum zamanı əsas diqqət Rusiya ilə Azərbaycan arasında iqtisadi-ticari əlaqələrin daha da inkişaf etdirilməsinə yönəlib. Azərbaycanın Rusiyanın regionları ilə ticarət dövriyyəsini artırması notları daha çox səslənib. 

Tədbirdə Azərbaycanın 2020-ci ilə kimi iqtisadi inkişafının müəyyən edildiyi və sabit iqtisadiyyata malik olması, valyuta ehtiyatlarının 50 mlyard dollardan çox olması xatırladılıb. Azərbaycanın Rusiya iqtisadiyyatında əlaqələrini yalnız bir neçə sahədə yox, bütün istiqamətləri üzrə artırmalı olması tövsiyə edilib. 

Azərbaycan PA-nın rəhbəri Ramiz Mehdiyev öz çıxışında Rusiya və Azərbaycanın bir-birilə əlaqələri  gücləndirməkdə maraqlı olduğunu deyib. Forum bi istiqamətdə ölkələrarası əlaqələrin inkişafına yaxşı perspektiv vəd verən tədbir kimi dəyərləndirilib. Rusiya-Azərbaycan əlaqələrinin bütün sahələri əhatə etməsi və qarşılıqlı anlaşma olduğu qeyd edilib. R.Mehdiyevə görə, Rusiya Azərbaycanın əsas tərəfdaşlarından biridir və elə də qalır. O, Azərbaycanda rus icmasının yaşadığını xatırladaraq belə faktorların ölkələri bir-birinə yaxınlaşdırdığını vurğulayıb. Rusiyada isə Azərbaycan diasporunun bu ölkənin həyatında fəal rol oynadığı nəzərə çatdırılıb. İki ölkə arasında münasibətlərin yaxşı olmasına sübut kimi Azərbaycanda rus dilində 50-yə yaxın, qəzet və jurnalın çap olunmasını göstərib. 

RF prezidentinin regionlararası və mədəni əlaqələr üzrə İdarəsinin rəisi Vladimir Çernov Azərbaycan kimi Rusiyanın da iki ölkə arasında əlaqələrin inkişaf etdirilməsində maraqlı odluğunu vurğulayıb. Rusiyanın 7 regionu ilə Azərbaycanın güclü iqtisadi əlaqələrinin olması xatırladılıb. Hazırda Rusiyanın Azərbaycanda 500-ə yaxın şirkəti fəaliyyət göstərir, Azərbaycanla Rusiya arasında ticarət dövriyyəsi 3 milyard dollara yaxındır. 

Azərbaycanın Rusiyanın Şimali Qafqaz, Həştərxan, Krasnodar, Tatarıstan, Kemerovo və digər vilayətlərlə əlaqələrinin inkişafı təqdir edilib. 

İqtisadi inkişaf naziri Şahin Mustafayev isə Azərbaycan tərəfindən Rusiya iqtisadiyyatına 570 milyon manat yatırım qoyulduğunu qeyd edib. 

Natiqlər MDB ölkələri, o cümlədən Azərbaycan-RF arasında ticarəti daha da inkişaf etdirməyə maneə kimi gömrük orqanlarını göstəriblər. Buna görə Rusiyanın MDB məkanında Vahid Gömrük İttifaqı yaradılması təklifinin verildiyi xatırladılıb. Rusiyanın Ümumdünya Ticarət Təşkilatına üzvlüyündən sonra iqtisadi əlaqələrin daha da sadələşdiriləcəyi qeyd edilib. Bununla bağlı Azərbaycanın bundan bəhrələnə bilməsi üçün Vahid Gömrük İttifaqına dail olması təklif edilib.  

Uzun müzakirələrdən sonra Forum Yekun bəyanat qəbul edib. Sənəddə iqtisadi əlaqələrin gücləndirilməsinin bütün tezisləri əksini tapıb.-05C-