Sabiq icra başçısının müsadirə olunan əmlakı hərraca çıxarılır

Bakı/23.08.23/Turan: Əmlak Məsələləri Dövlət Xidməti sentyabrın 22-də dövlət xeyrinə müsadirə edilmiş şəxsi əmlakın satışı üzrə hərrac elan edib. Onların arasında 2020-ci ildən həbsdə olan Neftçala Rayon İcra Hakimiyyətinin sabiq başçısı İsmayıl Vəliyevin 2022-ci ildə məhkəmənin qərarı ilə müsadirə olunan əmlakının bir hissəsi də var.

ƏMDX-nin məlumatına əsasən https://emlak.gov.az/az/news/view/8183-22-sentyabr-2023-ci-il-tarixind%C9%99-saat-11:00-da-h%C9 %99rraca -%C3%A7%C4%B1xar%C4%B1lacaq-x%C3%BCsusi-m%C3%BCsadir%C9%99-edilmi%C5%9F-%C9%99mlaklar%C4%B1n-siyah%C4 %B1s %C4%B1, Qobustan rayonunda yerləşən 3 mülk hərracda satılacaq. Obyektlərin ümumi ilkin dəyəri 295 000 manat (173 500 ABŞ dolları) qiymətləndirilib. Bunlar 243,3 m2 sahəsi olan qeyri-yaşayış sahələri, 151,5 m2 sahəsi olan fərdi yaşayış evi və 2 302,1 m2 əmlak kompleksidir.

Qeyd edək ki, qurumun hərracla bağlı açıqlamasında bu əmlakın keçmiş məmura aidiyyəti olması qeyd olunmur. "Turan" İnformasiya Agentliyi keçmiş məmurların müsadirə olunan daşınmaz əmlakının siyahısı ilə bağlı mətbuatda gedən yazıları təhlil edərək bunu müəyyən edib. Maraqlıdır ki, ümumilikdə İsmayıl Vəliyevin 12 əmlakı dövlətin xeyrinə müsadirə edilib. Bunlardan yuxarıda qeyd olunanlardan əlavə, Bakı şəhərində 4 mənzil və bir qeyri-yaşayış sahəsi, Gəncə şəhərində malikanə, Qobustan rayonunun Mərəzə kəndində fərdi yaşayış evi, Neftçala rayonunda 4 daşınmaz əmlak obyekti və s var.

İ.Vəliyev 2020-ci ilin fevralında Dövlət Təhlükəsizliyi Xidməti tərəfindən həbs edilib