«Şahdəniz»də kəşfiyyat-qiymətləndirmə quyusu müsbət nəticələr verib

2011-ci ildə «Şahdəniz» qaz-kondensat yatağında SDX-6 kəşiyyat-qiymətləndirmə quyusu qazılıb, bunun nəticəsində bəzi məsafələrdə neft-qaz axınları aşkarlanıb. Bu barədə şirkətin saytında yerləşdirilən Azərbaycan Dövlət Neft Şirkətinin (SOCAR) audit hesabatında məlumat verilir. Bu məlumata əsasən, «İstiqlal» (Caspian Driling Company-nin mülkiyyəti) üzən qazma qurğusunun köməkliyi ilə qazılıb. Dənizin 71 dərinliyində quyunun layihə dərinliyi 6285 metr təşkil edib, ancaq faktiki qazılma 6408 metr təşkil edib. Qazma işləri nəticəsində Balaxanı layının VIII, IX və X qatlarını və «Fasilə» layını açmaq mümkün olub. Bundan sonra quyuda tamamlanma işləri həyata keçirilib, sonradan isə o bağlanıb. 

* 1999-cu ilin iyun ayında kəşf edilən «Şahdəniz» qaz-kondensat yatağında 1,2 trln m3 qaz və 100 mln tona yaxın kondensat mövcuddur. O faktiki olaraq bir-birinin üstündə yerləşən iki ayrı yataqdan ibarətdir. Ona görə beynəlxalq konsorsium indiyə qədər yatağın karbohidroken potensialı barədə yeni məlumatların əldə edilməsi məqsədi ilə kəşfiyyat-qiymətləndirmə qazma işləri həyata keçirir. İlkin qiymətləndirmə qazma işlərində (2006-cı ilə qədər) yatağın potensialı 625 mlrd m3 həcmində qiymətləndirilirdi. «Şahdəniz»in dərin qatları dəniz səviyyəsindən 7000 metrdən çox dərinliyində yerləşir. --12В—