![Sahibkarlara verilən investisiyalar havaya sovrulur](https://turan.az/resized/750/500/resize/media/2014/main/080700086476.jpg)
Sahibkarlara verilən investisiyalar havaya sovrulur
Sahibkarlığa Kömək Milli Fondunun xətti ilə 1992 –ci ildən sahibkarlara 1 mlrd 366 mln 546 min güzəştli kredit verilib.
İqtisadiyyat və Sənaye Nazirliyinin məlumatına görə, indiyədək 22 min 447 sahibkar güzəştli kredit alıb.
İqtisadi Tədqiqatlar Mərkəzinin eksperti Vahid Məhərrəmov hesab edir ki, kreditlərin məbləği iqtisadi inkişafın real nətəcələrini əks etdirmir. Əslində Fond kiçik və orta sahibkarlara kömək etməli idi. Amma 2003-cü ildən yüksək rütbəli məmurlara bağlı olan iri sahibkarların hərəsinə 10 mln-a qədər kredit verilir. Xərclənən vəsaitlər üzrə məsuliyyət və hesabat yoxdur.
Bu kreditləşmə fonunda kənd təsərrüfatı malları idxalından asılılıq artır. 10 il əvvəl ildə 70 min ton süd idxal edilirdi, 2013-cü ildə ölkəyə 700 min ton – adambaşına 72 litr süd gətirilib. Ötən il Gürcüstandan 109 min baş iribuynuzlu mal-qara gətirilib. Gömrükdə 120 kq diri çəkili mal-qaranın biri 29 manata bəyan edilib. Cəmiyyəti şişirdilmiş rəqəmlərlə aldadırlar, gömrükçülərin maxinasiyası nəticəsində dövlət büdcəsi milyon manat itirir,- deyə ekspert bildirib.
SKMF 1992-ci ildə yaradılıb. 2002-ci ildən fəal şəkildə kredit verməyə başlayıb. 2013-ci ildə Fond 4500 layihəyə 275 mln manat güzəştli kreditlər verib. 2014-cü ildə SKMF xətti ilə sahibkarlığın güzəştli kreditləşməsinin həcmi 280 mln manata çatacaq. Bu strukturun ətrafında qalmaqallar bitmir. --17D--
-
- İqtisadiyyat
- 7 Avqust 2014 20:31
-
- Söz istəyirəm
- 8 Avqust 2014 12:36
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz