Samaras: "Azərbaycanın TAP-ı seçməsi ehtimalı artıb"

Yunanıstanın baş naziri Antonis Samaras ehtimal edir ki, ARDNŞ qazın Avropaya nəqli üçün TAP layihəsini (Nabucco West-i yox) seçəcək.

Bu fikir ARDNŞ DEPA-nın törəməsi DESFA şirkətinin səhmlərinin 66%-nin alınması üçün təklif verəndən sonra yaranıb. Maraqlıdır ki, ARDNŞ əvvəllər DEPA-nı almaq istəyirdi.

Yunanıstanda enerji aktivləri almaq ARDNŞ-yə lazımdır, çünki məhz burda “Şahdəniz” konsorsiumunun həyata keçirdiyi, “Qazprom”un “Cənub axını” layihəsi ilə rəqib olan TANAP davam edəcək. Bundan başqa, Azərbaycan şirkətinin Yunanıstana marağı daha bir intriqanın pərdəsini açır – yekunda TAP kəməri seçiləcək, yoxsa Nabucco West.

Artıq Yunanıstanın baş naziri ehtiyatla ehtimal irəli sürür ki, məhz Yunanıstan ərazisindən keçən TAP seçiləcək.

Xatırladaq ki, “Qazprom” sifariş verməyib və imtinanı Yunanıstan tərəfinin zəruri maliyyə zəmanəti verməməsilə izah edib.

Yunanıstanın baş nazirinin sözlərinə görə, DEPA və DESFA qazpaylayıcı şirkətinin özəlləşdirilməsi üzrə təkrar müsabiqə olacaq.

Aktivə marağa saxlamağa cəhd edərək özəlləşdirmə agentliyi HRADF məlumat verib ki, DEPA istehlakçılarına olan 180 mln avro borcu ödəyəcək, şirkətin vəziyyətinin pisləşməməsinə zəmanət verəcək. --0--