Şamaxı rayonunda prioritet hesab olunan sahələr üzrə sahibkarlardan investisiya layihələrinin qəbuluna başlanılıb.
İqtisadiyyat Nazirliyinin Sahibkarlığa Kömək Milli Fondunun (SKMF) elanında deyilir ki, taxılçılıq, cins heyvandarlıq, arıçılıq, üzümçülük, badamçılıq və kartofçuluq təsərrüfatlarının, pendir, çörək və şirniyyat məhsullarının istehsalı müəssisələrinin və 3 ulduzlu hotelin yaradılması istiqamətlərində investisiya layihələrinin maliyyələşdirilməsi üçün təkliflərin qəbulu məqsədəuyğun hesab edilib.
Qaliblərə layihənin tam həcmi məbləğində kredit verilə bilər. Bununla yanaşı, sahibkarların istəyinə əsasən, SKMF layihənin dəyərinin 100%-dək həcmində kredit ayıra bilər”, - deyə məlumatda qeyd edilir.
SKMF 1992-ci ildə yaradılıb. Sahibkarlara kreditlərin verilməsi 50-dən artıq bank və bank olmayan kredit təşkilatı vasitəsilə həyata keçirilir. Ötən il fondun xətti ilə sahibkarlara 248,5 mln manat məbləğində güzəştli kredit verilib. 2016-cı ildə bu məbləğ 200 mln manat təşkil edəcək. --17D—
İqtisadiyyat
-
Azərbaycan yeni ilə qaz, elektrik enerjisi, su və dərman tariflərinin əhəmiyyətli dərəcədə artması ilə başladı, bu da vətəndaşlar arasında ev təsərrüfatlarına maliyyə yükü ilə bağlı geniş narahatlıq yaratdı. Rəsmilər bu tədbirləri iqtisadi dayanıqlılıq üçün zəruri hesab etsələr də, tənqidçilər durğun əməkhaqqı və pensiyalarla bağlı problemlər barədə xəbərdarlıq edirlər.
-
1 yanvar tarixindən etibarən Avropa Rus qazının Ukrayna vasitəsilə müqavilə əsasında nəqlini dayandırıb. Kiyev, “təcavüzkar ölkənin” qazının öz ərazisindən keçidi ilə bağlı müqavilələri uzatmayacağını bəyan etdi. Bu qərar, Ukraynada müharibədən əvvəl qitənin qaz idxalının təxminən 50%-ni təşkil edən Rusiya enerjisindən asılılığını azaltmaqda Avropanın səyləri üçün mühüm bir mərhələni ifadə edir.
-
Tarif Şurası qeydiyyata alınmış dərman vasitələrinin topdan və pərakəndə satış üzrə maksimum qiymətlərinin tənzimlənməsinə dair qərar qəbul edib. Yeni qiymət məhdudiyyətləri 2 yanvar 2025-ci ildən qüvvəyə minir.
-
Tarif Şurası tikinti obyektlərinin su təchizatı və tullantı sularının axıdılması sistemlərinə qoşulma xidmətləri üçün ilk dəfə tarifləri təsdiqləyib, əvvəllər tənzimlənməyən və qeyri-müntəzəm ödənişlərin tətbiq olunduğu bu sahəni strukturlaşdırıb, yanvarın 2-də elan edib.
Rəy yaz