“Kapital Bank” ASC-nin səhmdarları aprelin 4-də İzmir Plazada növbədənkənar yığıncaq keçirəcək. Yığıncağın gündəliyinə təşkilati və maliyyə məsələləri daxil edilib.
Müşahidə Şurasının tərkibində dəyişikliklərin edilməsi məsələsinə baxılacaq, 2016-cı ilin mənfəəti bölünəcək.
Yığıncaqda ASC-nin Nizamnaməsinə və başqa normativ sənədlərə düzəlişlər ediləcək.
2016-cı ildə “Kapital Bank” ASC-nin xalis mənfəəti 52 mln manat olub.
2016-cı ildə səhmdarlar 2015-ci ildə əldə edilən 61 924 min xalis mənfəəti və ya hər səhmə görə 4 manat 13 qəpiyi (dividenddən vergi nəzərə alınmadan) dividend ödənişinə yönəldib.
“Kapital Bank”ın nizamnamə kapitalı 185 mln 850 min manatdır. Dövriyyədə nominalı 12,39 manat olan 15 mln səhm var.
Bank “Pasha Holding” şirkətlər qrupuna daxildir (səhmlərin 99,87%-i). Minoritar səhmdarların (170 fiziki şəxs) 0,13% səhmi var.
Bankın Azərbaycanda ən geniş filial şəbəkəsi var və o, 3 mln fiziki və 22 min hüquqi şəxsə xidmət göstərir. 08D
İqtisadiyyat
-
Şimali Makedoniya Prezidenti Gordana Silyanovska-Davkova Bakıya səfəri çərçivəsində Azərbaycan Dövlət Neft Şirkəti SOCAR və Şimali Makedoniyanın ECM şirkəti cümə axşamı əməkdaşlıq haqqında memorandum imzaladılar, Turan-a məlumatlı mənbə bildirdi.
-
Bugünlərdə Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyası (COP29) çərçivəsində "Pambıqdan geyimə dəyər zəncirinin karbonsuzlaşdırılması və iqlimə uyğunlaşdırılması" mövzusunda müzakirələr keçirilib. Orada digər məsələlərlə yanaşı, Azərbaycanda pambıqçılığın vəziyyəti də müzakirə olunub.
-
Azərbaycan, inkişaf edən və inkişaf etmiş ölkələrdən, habelə azı 10 ölkənin dövlət və özəl sektor nümayəndələrindən, ümumi büdcəsi 1 milyard ABŞ dolları olan İqlim Maliyyə Fəaliyyət Fondu (CFAF) üzrə səhmdar kimi iştirakla bağlı əhəmiyyətli maraq cəlb edib. CFAF Azərbaycanın COP29-da təqdim etdiyi 14 əsas təşəbbüsdən biridir, bunu Azərbaycan Respublikasının COP29 üzrə baş danışıqlar aparıcısı və xarici işlər nazirinin müavini Yalçın Rəfiyev çərşənbə axşamı mətbuat konfransında bildirib.
-
Azərbaycan hökuməti OPEC Fonduna bir sıra bərpa olunan enerji layihələrinin, o cümlədən dəniz külək enerjisinin inkişafı, "yaşıl enerji dəhlizi" təşəbbüsləri və SOCAR-ın Birləşmiş Ərəb Əmirliklərindən Masdar şirkəti ilə birgə həyata keçirməyi planlaşdırdığı 1 QVt gücündə layihənin maliyyələşdirilməsində iştirak etməyi təklif edib.
Rəy yaz