Yanvarda Azərbaycanda 140 min ton sement istehsal edilib. Bu, ötən ilin eyni dövründəkindən 40% çoxdur.
Ötən il sement istehsalı manatın devalvasiyası üzündən işgüzar aktivliyin düşməsi nəticəsində azalmışdı. İl ərzində 2,3 mln ton sement istehsal edilib. Bu, 2015-ci ildəkindən 15% azdır. Bu, tikinti sektoruna da mənfi təsir edib.
Yerli istehsalçılar sement bazarında mövqeyini gücləndirir. 2016-cı ildə sement və sement klinkeri idxalı 100 min ton azalaraq 376 min ton ($17,9 mln) təşkil edib. 2016-cı ildə sement xammalı ixracı iki dəfə artaraq 184,4 min tona çatıb. Sement idxalında valyutaya qənaət il ərzində $9 mln təşkil edib.
Tendensiya bu il də davam edir. Yanvarda 1 min ton sement idxal edilib. Bu, ötən ilkindən 9 dəfə azdır.
Azərbaycanda sement sənayesinin ümumi gücü ildə 5-5,5 mln tondur. Bunun 85%-i 3 şirkətin payına düşür: “Holcim” (Azerbaycan), “Norm” MMC və “HGC Group” MMC (keçmiş Qazax sement zavodu). 08D
İqtisadiyyat
-
S&P Global Ratings Azərbaycanın bank sektorunun risk qiymətləndirməsini yenidən nəzərdən keçirərək, proqnozu "sabit"dən "müsbət"ə yüksəldib.
-
Ölkədə son günlər çörəyin bahalaşdığı deyilir. Sosial şəbəkələrdə yazılır ki, çörəyin qiymətlərində 5-10 qəpik artım var. Şikayətlərə görə, Azərbaycanda "zavod çörəyi" kimi tanınan çörəyin üstündə çəki barədə məlumat tapmaq çətindir. Yəni, bir çox hallarda bu növ çörəyin üstündə çəki barədə məlumat yazılmır. Ayrı-ayrı sexlərin təndirxanalarında bişən çörəklə də bağlı alıcıya çox vaxt qiymətdən başqa heç bir məlumat verilmir.
-
Rusiya, İran və Azərbaycanın xarici işlər nazirləri, nəqliyyat nazirləri, enerji nazirləri və gömrük xidmətlərinin rəhbərləri yaxın zamanda Rəşt-Astara dəmir yolu layihəsinin icra vəziyyətini müzakirə etmək üçün üçtərəfli görüş keçirəcək. Bu barədə İranın Rusiyadakı səfiri Kazım Cəlali məlumat verib.
-
Azərbaycan və Tatarıstan enerji, maşınqayırma, neft-kimya, kənd təsərrüfatı və nəqliyyat sahələrində qarşılıqlı maraqlara əsaslanan ticarət və iqtisadi əməkdaşlığı gücləndirməkdə davam edir. İkitərəfli əlaqələr, rəsmi nümayəndə heyətlərinin müntəzəm səfərləri və beynəlxalq iqtisadi forumlarda iştirakı ilə dəstəklənən sabit inkişaf nümayiş etdirir.
Rəy yaz