2014-cü ildə Azərbaycanda sənaye müəssisələrinin sayı 7 subyekt artıb. Son 5 ildə 116 sənaye müəssisəsi fəaliyyətini dayandırıb və 2015-ci ilin əvvəli üçün 2 534 müəssisə məhsul buraxıb, deyə Dövlətstatkomda Turan-a bildiriblər.
Ölkədə 100% xarici kapitallı sənaye müəssisələrinin sayı artır: yanvarın əvvəli üçün xarici investorlara məxsus 177 sənaye müəssisəsi olub. Ötən il 100% xarici kapitallı 26 sənaye müəssisəsi məhsul buraxmağa başlayıb. 2009-cu ildə Azərbaycanda 133 xarici sənaye müəssisəsi olub.
2014-cü ildə sənaye müəssisələri 21,6 mlrd manat xalis mənfəət əldə edib. Bu, əvvəlki ildəkindən 8,3% azdır. İl ərzində sənayedə muzdlu işçilərin orta illik sayı dəyişməyib və 197,2 min nəfər təşkil edib.
Azərbaycanda sənaye müəssisələrinin əsas fondlarının qiyməti 1 yanvar 2015-ci il üçün 61,8 mlrd manat olub. Bu, 2013-cü ildəkindən 15,4% çoxdur. 2010-2014-cü illərdə sənayenin inkişafına 30,8 mlrd manat investisiya qoyulub, deyə DSK bildirir.
İqtisadiyyat
-
Azərbaycan Dövlət Neft Şirkətinin (SOCAR) EBITDA (faizlər, vergilər və amortizasiya çıxılmadan əvvəlki mənfəət) göstəricisi son illərdə azalma tendensiyası göstərir. Bu dinamika beynəlxalq reytinq agentliklərinin hesabatlarında və şirkətin öz maliyyə hesabatlarında əks olunub. SOCAR-ın 2024-cü il üçün maliyyə hesabatının 2025-ci ilin yayında açıqlanması gözlənilir, lakin Fitch Ratings-in ilkin məlumatları bu göstəricinin daha da azalacağını göstərir.
-
Avropada təbii qazın qiymətləri cümə günü 2023-cü ilin oktyabr ayından bəri ən yüksək səviyyəyə yüksələrək, bölgədə gözlənilən soyuq hava dalğası fonunda artan tələbat gözləntilərini əks etdirib.
-
ABŞ-ın prezidenti Donald Trampın təklif etdiyi enerji və ticarət siyasətləri qlobal neft və qaz qiymətlərində uzunmüddətli enişə səbəb ola bilər. Bu isə 2026-cı ildən etibarən Azərbaycanda iqtisadi sabitliyin pozulmasına gətirib çıxara bilər, əgər fundamental struktur islahatları həyata keçirilməzsə, iqtisadçı Qubad İbadoğlu son analizində xəbərdarlıq edib.
-
Azərbaycan kənd təsərrüfatı sektorunu şaxələndirmək istiqamətində addım ataraq ölkənin ilk kommersiya məqsədli banan istehsalına start verib. Yerli istehsalçı Fruitland tropik meyvələri daxili bazara təqdim edir.
Rəy yaz