Sentyabrın 1-i üçün ISB üzvləri YNH üzrə 16,3 mln manat ödəniş edib

Sentyabrın 1-i üçün İcbari Sığorta Bürosunun üzvü olan sığorta şirkətləri avtonəqliyyat vasitəsi sahiblərinin mülki məsuliyyətinin icbari sığortası üzrə 16 mln 289,34 min manat ödəniş ediblər. Bu, ötən ilin eyni dövründəkindən  5,3% azdır.

Avqustda sığortaçıların bu seqmentdə ödənişləri 1 min 483 sığorta hadisəsi üzrə (mənfi 20,4%) 1 mln 899,01 min manat (mənfi 19,8%) təşkil edib. Bunun çoxu (1 mln 665,2 min manat, 1,372 min sığorta tələbi) avtonəqliyyat vasitəsinə dəyən ziyan, qalanı əmlak və sağlamlığa ziyan və ölümlə bağlıdır.

AVSMMİS üzrə yeni tariflərlə xidmət 16 dekabr 2011-ci ildən göstərilir. Avtonəqliyyat vasitəsi sahiblərinin mülki məsuliyyətinin icbari sığortası üzrə əmlaka dəymiş ziyana görə sığorta məbləği 5 min manat, sağlamlığa vurulan zərərə görə 5 min manat (bir nəfərə görə), bir sığorta hadisəsinə görə ümumi limit 50 min manat təşkil edir.

İcbari Sığorta Bürosu “İcbari sığortalar haqqında” qanun çərçivəsində yaradılıb. 15 sığorta şirkəti İSB-nin üzvüdür. Onlardan 11 şirkət avtonəqliyyat vasitəsi sahiblərinin mülki məsuliyyətinin icbari sığortası üzrə xidmət göstərmək hüququna malikdir. --17D—