Sergey Markov: «Sentyabr Azərbaycan-Rusiya münasibətlərində bal ayıdır»

Bakıda Rusiya İctimai Palatasının İctimai diplomatiyanın inkişafı və xaricdəki həmvətənlərə dəstək komissiyasının üzvü, politoloq Sergey Markovun mətbuat konfransı keçirilib.

Onun sözlərinə görə, sentyabr Azərbaycan-Rusiya münasibətlərində bal ayıdır. Azərbaycan kənd təsərrüfatı məhsullarının Rusiya bazarlarına çıxışı şansını qiymətləndirmək lazımdır. “Rusiya ərazisində Azərbaycanın logistik mərkəzləri yaradılmalıdır. Məqsəd rusiyalı topdan satış alıcılarının kənd təsərrüfatı məhsullarını Azərbaycan ərazisində deyil, həmin mərkəzlərdən əldə etməsidir”, - deyə S.Markov Bakıda keçirilən mətbuat konfransında bildirib.

O hesab edir ki, Azərbaycanın kənd təsərüfatı məhsullarının kifayət qədər uzun müddətə Rusiya bazarlarına tədarükünün ritmikliyini təmin etmək lazımdır.

“Ümid edirik ki, Qərbin Rusiyaya sanksiyaları uzun zaman davam edəcək, lakin həmişəlik deyil. Düşünürük ki, avropalı tərəfdaşlarımız il yarım ərzində sanksiyaların tətbiqinə dair qərarın qeyri- səmərəli olmasına əmin olmalıdırlar. Avropa İttifaqı ölkələrinin kobud səhvləri boşalan sektorların Azərbaycan, Türkiyə, Hindistan və Çindən olan digər istehsalçılar tərəfindən zəbt olunmasına gətirib çıxaracaq”, - deyə o vurğulayıb.

“Logistik mərkəzlər yaradılsa, Avropanın kənd təsərrüfatı məhsullarının istifadəsinə qayıtmaq məqsədəuyğun olamayacaq. Bu, Avropa İttifaqı ölkələrindən olan kənd təsərraftı məhsullarının tədarükçüləri üçün qaçılmaz nəticələrə səbəb olacaq. Çətin ki, Avropa istehsalçıları Gürcüstan və Moldovadan gələn məhsullarla bağlı baş verdiyi kimi, tədarük imkanlarının heç olmasa 10%-ni bərpa edə bilsinlər”, - deyə o bildirib. -17D—