![Sığorta şirkətlərinin 11 aylıq məlumatları açıqlanıb](https://turan.az/resized/./turan-750-500-resize.webp)
Sığorta şirkətlərinin 11 aylıq məlumatları açıqlanıb
Yanvar-noyabrda yerli bazarda mükafat və ödənişlər üzrə məlumatlar açıqlanıb.
Hesabat dövründə sığorta bazarında 312 mln 968 min 993,43 manat mükafat yığılıb. Bu, ötən ilin eyni dövründəkindən (193,1 mln) 62,1% çoxdur.
Cəmi sığorta hadisələri üzrə 82 mln 536,07 min manat ödəniş edilib. Bu, ötən il analoji dövründəkindən 26,59 mln çoxdur.
Yanvarda proqnozlaşdırıldığı kimi, "Paşa Sığorta" 10 ayda lider olub və 44 mln 669,778 min manat və ya bütün mükafatların 14,27%-i toplayıb. Bunun 20 mln-u yanvarda ARDNŞ ilə könüllü tibbi sığorta üzrə müqavilə hesabınadır. Ötən ilin 1 oktyabrında şirkət 9,83 mln sığorta haqqı ilə 10-cu yerdə idi. Ekspertlərin fikrincə, bu şirkət liderliyi əldən verməyəcək.
“AzSığorta” 36 mln 680,542 min manat mükafatla ikinci yerə qalxıb. Bu, ötən ilkindən 2 dəfə çoxdur. Yanvarda liderlə iddiaçı arasında məsafə 19 mln manat idisə, indi 8 mln manatdır.
Adətən, 3-cü olan "Atəşgah" 34 mln 240,815 min manat nəticə ilə yenə “bürünc” qazanıb. Bu üçlük mükafatların 36,2%-i toplayıb.
Dövlət Sığorta Şirkəti “AzərSığorta”nın ehtiyatında icbari sığorta növləri olsa da, bu, ona kömək etməyəcək. Hesabat dövründə o, 31 mln 30,186 min manat toplayıb. Bu, ötən ilin 10 ayındakı “çempion” göstəricisindən 5 mln çoxdur.
"Standard Insurance" beşincidir (19 mln 823,043 min manat).
Altıncı yerdəki АХА MBASK 16 mln 940,343 min manat toplayıb və bunun çoxu avtomobillərin КАСКО sığortası və avtonəqliyyat vasitələri sahiblərinin mülki məsuliyyətinin sığortası üzrədir.
Yeddinci yerdə həyat sığortası üzrə ixtisaslaşan "Atəşgah Həyat" gəlir - 15 mln 154,482 min manat.
“Paşa həyat Sığorta” səkkizinci yerdə qərarlaşıb (13 mln 383,220 min manat). Ötən ilin 9 ayında bu şirkət indikindən 2 mln manat az toplamışdı, amma 3 pillə yüksəkdə idi.
Beynəlxalq Sığorta Şirkəti 9-cu yerə düşüb (13 mln 309,010 min manat).
Xalq Sığorta 12 mln 71,980 min manatla onluğu qapayır.
Ödənişlərdə ən yüksək nəticələr belədir: "Paşa Sığorta" 19 mln 718,38 min manat (ödənişlərin 24,6%-i), “AzərSığorta” (10,26 mln), "Atəşgah" (8,96 mln).
* Bütün nəticələr Dövlət Sığorta Nəzarəti Xidmətinə istinadən verilir. --17D—
-
- İqtisadiyyat
- 18 Dekabr 2012 15:06
-
- İqtisadiyyat
- 18 Dekabr 2012 15:50
İqtisadiyyat
-
Azərbaycan Prezidenti İlham Əliyev, Dövlət Gömrük Komitəsinin xaricdə və beynəlxalq təşkilatlarda nümayəndələrinin rolunu və təyinatını tənzimləyən iki prezident fərmanına dəyişikliklər imzalayıb.
-
Auditorlar Palatasına görə, 2023-cü ildə Azərbaycanda audit təşkilatları və müstəqil auditorlar 133.2 milyon manat (78.4 milyon dollar) dəyərində 7,232 müqavilə bağlayıb, bu da müqavilələrin sayında 20% və ümumi dəyərində isə 7.1% artımı əks etdirir.
-
Qobustan Günəş Elektrik Stansiyası layihəsi üzrə hərrac iştirakçılarının təqdim etdikləri təkliflərin qiymətləndirilməsi üçün, Avropa Yenidənqurma və İnkişaf Bankının (AYİB) dəstəyi ilə hərrac komissiyasının üçüncü iclası keçirildi. İclasda əsas diqqət ilkin uyğunluğun müəyyənləşdirilməsi və hərrac qalibinin seçilməsinə yönəldilib, bu barədə Bərpa Olunan Enerji Mənbələri üzrə Dövlət Agentliyi məlumat verib.
-
Bu yaxınlarda Azərbaycanın “Qarabağ” gəmisinin adının dəyişdirilərək “Mingəçevir” olmasında heç bir sensasiya yoxdur, yeni ad gəmiyə iki gəminin eyni ad altında işləməməsi üçün verilib, deyə Azərbaycan Xəzər Dəniz Gəmiçiliyinin (ASCO) Ticarət Donanmasında “Turan”a məlumat verilib.
Rəy yaz