Silk Way West aviaşirkəti üç 747-8 Freighter model təyyarəsi alınması üzrə sazişi razılaşdırıb

“Boeing” şirkəti ilə Azərbaycanın “Silk Way West” aviaşirkəti ötən həftə üç 747-8 Freighter təyyarəsinin alışı ilə bağlı razılaşmanının əldə edilməsinin son mərhələsinə çatıblar. Müqavilənin dəyəri 1,1 mlrd dollardan çoxdur.

“”Silk Way Group” şirkətin çoxdankı sifarişçisi və Boeing-in məhsul və xidmətlərinin istifadəçisidir, - deyə “Boeing Commercial Airplanes”-in Yaxın Şərq, Rusiya və Mərkəzi Asiyada bölməsinin satış üzrə vitse-prezidenti Marti Bentrott bildirib. – Biz “Silk Way West” aviaşirkəti ilə əməkdaşlığımızı və onun “Boeing” şirkətinə və 747-8 Freighter-ə etibarını qiymətləndiririk.

“Silk Way West” aviasiya və əlaqədar sahələrdə fəaliyyət göstərən 23 şirkəti özündə birləşdirən “Silk Way Group” müəssisəsinin törəmə şirkətidir. Hazırda aviaşirkət 7 Boeing təyyarəsi istismar edir, bunlar iki 767-300 Freighter, üç 747-400 Freighter və iki 747-8 Freighter-dir.
747-8 Freighter yük aviadaşıyıcılarına ən aşağı səviyyəli istismar xərcləri və böyük yük təyyarələri sinifində maksimal qənaətçillik, həmçinin yaxşılaşdırılmış ekoloji göstəricilər təmin edir. Yük həcmliliyi hesabına 747-8 Freighter 747-400 ilə müqayisədə gəliri 16% artırmağa imkan verir.

Sonuncu dəfə “Silk Way Airlines” 2014-cü ilin avqust ayında “Boeing”-dən iki 747-8 Freighter alıb.

Qeyd edək ki, “Silk Way Group” şirkətlər qrupunun baş şirkəti “Silk Way Airlines” MMC-dir. Bu şirkət Britaniya şirkəti əsasında təsis edilib. Xarixi tərəfdaşlarından fərqli olaraq holdinq maliyyə hesabatlılığını açıqlamır. Ora “Silk Way Bank” ASC və “Silk Way Inshurance” daxildir, onlar beynəlxalq maliyyə hesababtlılığının tələblərinə zidd olaraq dərc edilən hesabatlarında yegun sahibkarlarını aşıqlamırlar. Əvvəllər mətbuatda dərc edilən jurnalist araşdırmalarında onların prezident İlham Əliyevin qızlarına və  “Azerbaijan Airlines”  dövlət aviaşirkətinin prezidenti Cahangir Əsgərovun qızlarına məxsus olduğu qeyd edilirdi. 08B