İki ayda Azərbaycanda siqaret istehsalının həcmi 68,9 mln ədəd olub. Bu, 2016-cı ilin eyni dövründəkindən 86,4% azdır, deyə Dövlətstatkom bildirir.
Turan İA kəskin azalmanın səbəbini öyrənmək üçün “European Tobacco-Baku” (ETB) ASC-yə müraciət edib. Amma yerli istehsalda çox yüksək payı olan şirkətdə bu barədə danışmaqdan imtina ediblər.
2016-cı ildə Azərbaycanda siqaret istehsalının həcmi 1 mlrd 652,4 min ədəd olub. Bunun 65 mln ədədi (3,9%) ixrac edilib.
Gömrük Komitəsinin məlumatına görə, 2 ayda 15,8 mln dollar məbləğində siqaret idxal edilib. Bu, 2016-cı ilin eyni dövründəkindən 9,7% çoxdur. Əvvəlki vaxtlardan fərqli olaraq, DGK idxal edilən siqaretin miqdarını açıqlamayıb. 2016-cı ildə xaricdən 9,3 mlrd ədəd siqaret gətirilib.
Dövlətstatkom bildirir ki, 2 ayda ölkədə siqaretin pərakəndə qiyməti 2016-cı ilin eyni dövrünə nisbətən 5,3% ucuzlaşıb.
Standartlaşdırma, Metrologiya və Patent üzrə Dövlət Komitəsinin məlumatına görə, ETB-da Baku Blue, Azeri Blue və Prima markalı siqaretlər buraxılır. 08B
İqtisadiyyat
-
Azərbaycanın iqtisadiyyatı gələn illərdə də artımını davam etdirəcək, lakin ING Qrupu və Birləşmiş Millətlər Təşkilatının (BMT) proqnozları bərpa sürətinə dair bir qədər fərqli baxışlar təqdim edir. Niderlandın ən böyük bank qurumu olan ING Qrupu, Azərbaycanın Ümumi Daxili Məhsulunun (ÜDM) müsbət artımını proqnozlaşdırır, BMT isə daha optimist bir görünüş təklif edir.
-
Azərbaycanda taksi minik avtomobillərinin orta yaşı 15-dən 7-yə düşüb. Bu barədə Azərbaycan Yerüstü Nəqliyyat Agentliyinin (AYNA) yaydığı məlumatda bildirilir. Agentlik bunu "islahatların nəticəsi" kimi dəyərləndirib.
-
Qazaxıstan, İrana və Azərbaycana taxıl ixracını bərpa etməklə beynəlxalq taxıl bazarlarında mövqeyini möhkəmləndirib. Bu barədə ölkənin Kənd Təsərrüfatı Nazirliyi məlumat yayıb.
-
Son illərdə Azərbaycan səssizcə dinamik bir startap ekosistemi formalaşdırıb və bu ekosistem artıq beynəlxalq səviyyədə maraq doğurmağa başlayıb. Rəqəmsal təhsil platformalarından aqrotexnologiya sahəsindəki innovasiyalara qədər bu startaplar ölkənin texnologiya və sahibkarlığa artan marağını əks etdirir. Dövlət dəstəyi, beynəlxalq əməkdaşlıq və cəsarətli sahibkarlıq vizyonunun birləşməsi bir neçə Azərbaycan startapını qlobal səhnəyə çıxarıb.
Rəy yaz